[فهد الغنام]

بسم الله الرحمن الرحيم ..

احبتي سلام الله عليكم ورحمته وبركاته .

يطيب لي في هذا المساء ان اطرح بين ايديكم هذه القصيدة .

((( ... دمعة فؤاد ...)))

أتـفـكــر بالـلـيـالـي والـقـلــوب الـنـرجـسـيّـه=والقـلـوب النرجـسـيّـه مـــا تـفـكـر باللـيـالـي
إنشـدوا عـن شعرنـا مـا قـال قيـس العامـريّـه=مـا بقـى مـن كاتبينـه غيـر صاحـبـة المعـالـي
لجـلـهـا قـلـنـا ولـجـلـك يـالـلـيـال المخـمـلـيّـه=أكـلـيـنـه بـالـحــرام و ذابـحـيـنـه بـالـحـلالـي
ولّ يـا كبـر الـذنـوب و ولّ يــا كـبـر الخطـيّـه=المثالي صار عيب الشخص بالشخص المثالي
قـمّــت الإذلال هـيـفــاء لـحّـنـولـه سـامـريّــه=ضاعـت البنـت العفيفـه فـي بحـور الإنحلالـي
وإن كتبـت القـاف قالـوا فـي زمـان الجاهليّـه=ويـش ذنبـك يالسمينـه يـوم تسبقـك الهزالـي
ضعـت يالقلـب المسالـم فـي زمـان العنجّهـيّـه=في زمان(ن) ما يعيش ألاّ الضعيف الإنعزالـي
كــلّ مــا قـلـت الحـذيّـه قــال تبـشـر بالعطـيّـه=لا تعيـش ألاّ علـى فرضيـن يمكـن واحتمـالـي
قلت ضاعـت قصتـي بيـن الحـروف الأبجديّـه=السؤال أصبح إجابه في زمن أصعـب سؤالـي
ضيّـعـوا عــذر الخطـيّـه بالـلـيـال السـرمـديّـه=أه وقـت السيـف روّح فـي زمـن يـا همّـلالـي
صدق صار الوقـت لعبـه والمشاريـه أجوديّـه=ما بقى للموت غير اسمي وابـو زيـد الهلالـي
مـا ندمنـا ألاّ علـى وقــت المـعـارك والمطـيّـه=كسّـروا سـرج الخيـول ونثّـروا هيـل الـدلالـي
إتبـع الموضـه مـع أليـسـا وبـنـت العجرمـيّـه=غــن معـهـن يــا لالالــي يـالالالـي يـالالالــي
درّسـوهـا يــا جمـاعـه بالـصـفـوف الأولـيّــه=ضاعت الحشمه وضعنا فـي طريـق الأبتذالـي
والله إن نبـطـي وحـنـا مــا وصلـنـا العالمـيّـه=دام مـن يتبـع طريـق الحـق سمّـوه انفصالـي
قـالـوا اسـكـت والقضـيّـه خـارجـيّـه داخـلـيّـه=لا تلـقّـف لا تـقــول إن الـيـهـودي احـتـلالـي
قلت نسكت ليه نسكت وشهو أصل العنصريّـه=مـا هرجنـا ليـن صرنـا رقـم والرقـم اختزالـي
لعنـبـو جـــدّ اللـيـالـي يـــوم دنـّـه هاشـمـيّـه=غاليـه دمعـة فـؤاد الـلـي ذرفـهـا يــا رجـالـي
وا هنـي مـن راح يمشـي بالـديـار الجرهـديّـه=يزعج اللحن الهجيني ما عشق والبـال خالـي
مــا بـقـالـي بالـحـيـاة ألاّ طـعــون الشـمـريّـه=وافزعولـي يـا عتيبـه دامكـم صرتـو خـوالـي

اخوكم .. فهد الغنام الشمري