يقول من جـــابت به ايـــامه العــــيد=احسب حساب الحــزن قبل السعاده
كــــــلام ماقــــلــته بلـــيا تـواكــــيد=مـــن واقـــع الايام ماخــــــذ وكـــاده
صــح مـال الغــيب عندي تحــاديـــد=بس واقـــع الايــــام مــــــنه استفاده
حــاول تــوازنــها بـــواقـــع وتسديد=والآدمي يســعى بحسب اجـــــتهاده
لاتـنـشغل فيها ترى مــابــها فــــيد=مــاحـــد بها مـن قبل حــقــــق مراده
لو اعطتك دنياك من كــيف ماتــريـد=المــوت في ظهرك مـــوثـــق شـداده
مثل الحطب بالنار يشـــتب ويــزيــد=بــس بالنـــهـــايه راس مـــالــه رماده
حكي(ن) صحيح ولاتجيه المناقــيد=كم شيخ قــــــوم(ن)طشته من جواده
بس احســبوها يالرجال الصناديــد=دارت بــــــناس (ن)كــان بالارض ساده
ياواسع الرحمه ومنشي المراعيد=يامــن خــلقـــنا لطاعــتــه والعــــباده
لاضاقت وجـفت علــينا المـــواريد=يــــالله ذكـــرنــــا بـــنــطــق الشهاده