اقفا الذي مـا باقـي الا قليلـه=واقبل بداله وافر الخير واحسـان
مبروك يا المسلم بشهر الفضيله=ساعة تلاقيه وتظمه بالاحضـان
شهر رمضان اللي يلوح بشليلـه=وين انت يامن ترجي الله غفران
من صامه وزاد التهجـد بليلـه=يزيد فضلـه والتلـذذ بالايمـان
ومن شد فيه اللهو والنوم حيلـه=يفلس ولا يجني سوا كل خسران
يالله عسا من اعمالنا طيب شيله=اعمال خيـرٍ راجحـاتٍ بميـزان
اقفا الذي مـا باقـي الا قليلـه=واقبل بداله وافر الخير واحسـان