أقـدم بين أيـديكم هذه الابيات أرجو ان تنال استحسانكم
يا مـخـوي أهـجـوس الـفـكـر حــث الـركــايـب = لـيـن تـروي عـطـش نـاس ٍ بقـلبي وطـنهـا
خـص كـل أبــلـج ٍ مـا جـاء بــفــكـره شـوايـب = يـدرك الـعــلـم وحـروفــي يـقــدر ثــمـنـهـا
وقـل تـرى العـمـر يمشي والمـراجـل وهـايـب = والـجـبال الشـوامخ يا ابيض الـوجه عـنها
مـيـز الخـلـق وأحـذر فـي زمــان الـغــرايـب = وأجـتـنـب هـرجـت المشبوه واللي رطـنهـا
الـصـراحـة لهـا عـامـيـن تـحـت الـنـصـايـب = أســأل اللـي دفـنـهـا لـيـش ينـسى كـفـنهـا
وقـل تـر الـقـلـب من طـرد الـمــقـفـيـن تـايـب = خـص مـن صـد يـبغـى مهـنـة ٍ يـمـتـهـنهـا
وجـر صـوتـك وقــل لا تـجـهـلـون السـبـايـب = والـبـيـوت الـحـزيــنة تـنـعـرف من لحـنهـا
آه يا فـكـري اللـي صـــار شــايــم وطـــايــب = واه مـن ضـيـقـة بـيـن الـمـحـانـي سـكنهـا
واه يـا راسي اللـي مـن عـنا الـوقـت شـايـب = واه يـا نــفـسي الـلي لعــب فـيهـا شحـنهـا
واه يـا حـلـمـي الـلـي تــقـتــفـيـه الـهـبـايـب = واه يـعــبـرة ٍ ذكــرى الــمــوادع رســنـهـا
وأه يا ضـنـي اللـي بـاكـثـر الـنـاس خــايـب = وأه يــا نـيـة الأصــحــاب مـحـد ٍ ظـمـنـهـا
وأه يا مـجد عصر الأمـس ذا الـيـوم غـايـب = واه يـا ذكـــريـات شـامــخـه فـي زمــنـهــا
مـوجـز العـلم يا كـثـر الغـثـا والـمـصـايـب = فـالبسـيـطـة ويـشـكـي شـامـهـا من يـمـنهـا
ضـاع وجـه الحـقـيـقة بين مخطي وصايب = وكـل ضحـكـه ضـحـكنـاهـا دفـعـنا ثـمـنهـا
وســلامـتـكم