تـوصـــلـــيـــن الـخــط والا تـقـفلـيـن =مـــاعــلـيّا اليـــــوم لـوني بـاصلك
يكــفــي أنّي في صلاتي ســجدتين=ومــا خلـقـنـــا غـــيــــر لله الــــمـلك
فـــي غـــرورك جيت أبكتب كلمتين=أنـــتـهـى المشـوار مانــي مجاملك
كانه أحساسك مـعي وش تقصدين=مـنـهـــو اللي فــــــي غـرامه بادلك
كلمتي ماهي ترى قسوه ولين=ماتت أحلامي وأنا في جادلك
عاشت الذكرى وأنا فيها حزين=خلنّي بوصف شعوري بداخلك
ما طلبت الحب وأنتي تعرفين=جيتني وقلتي أنا بعيش لك
الــغـــرور أعــمـاك يابنــت الـذّيـــن =والـردّى طبعه أظنّه طاب لك
خــلــهـــم يـشــرون قلبك لو تبـيـن=وخلنّي باعيـــش وحـــدي عازلك
يمكن أرحم من عـــلـى قلبي تجين=والـــزعـــل هــــذا هو اللي شاكلك
وشـــو ذنــبـــي لاحـلـفـتي باليمين=غـيـــر أنـــّي فـــــي كلامي ماهلك
لو قسيتك في البدايه تنتهين=لو أنا فكرت فيها أخاذلك
لا كن بداعي غلاتك تعرفين=تعبت أقدامي وأنا أواصلك
مانسيتك أنتي اللي تنتسين=ما أحس أنّي أنا لك عاذلك
أرجــعــــي لنفسك وقولي أسفين =يـــمــكن أن عفوي عليها شاملك
شعر \ماجد الراشد الهيري
من القديم وارجو العذر والسموحه