ياعذاب الروح والقلب الكليم=متعة الأنظار ربي كملك
ي انبهاج النور في الليل الظليم=يافنار الكون يانجم الفلك
ياالنسيم العذب يا ارقّ النسيم=ياعبير الورد باهي ما اجملك
بسمة الصبح اختفت شكلك عديم=يوم بيّن نورك الباقي هلك
لابسن تاج الحلا لبسن قديم=في البها والحسن ما احد(ن) طاولك
سيّد الخفرات قالوا عنك ريم=منك حاز الريم وصفه وامتلك
تمت اوصافك عن اوصاف الحريم=بس قلبك قاسي(ن) ويجوز لك
تطرب لتعذيب قلب(ن) بك رحيم=شوفتك ريفه وبعدك له درك
لاضواه الليل واشتد الهزيم=باح مكنونه تهيّض واحترك
ضاق فكره غير عن زولك مقيم=في خياله في عيونه ما اكملك
جامع(ن) كل الحلا وانت الزعيم=يازعيم احكم وانا باتحملك