سوالف فخيخه
القاف صعب شويه ويبغاله تفاكير لمعانيه الفصيحه والاردنيه
وارجوا قبولها
يم دوّرين الصيد وانتم على خير = اتنوا كلام العود وجده صريخه
رغم الحزن بالقلب جوّه معاصير = يبني صوامع طيب حق المشيخه
اليا تِعنيت المسافه مسايير = نمشي مع الطولان حمراْ النّويخه
للجادل اللي من هواها مشاطير = قلبي وعقلي والهواجس دويخه
يا ما سليت الروح لجله مجاهير = حتى القرايب عفت مثل السليخه
يوم البدوا ترحال قلنا تياسير = ربك يجيب الخير وقت المسيخه
نرفق عقيد القوم غزو المغاتير = لجل المعيشه امحال حالة بليخه
قالوا الديار اتعوف ريم المصاغير = يوم الشدايد حيل طخ وطخيخه
ما يعرف البارود طيش المواسير = طبت عنود العين بزرن سويخه
ويلي انا من العيص فرد المزاوير = ما تمتلي بالحال دمعن سبيخه
قدره على مشهود قول المشاهير = الله يعين المبتلي فالمخيخه
وش حالة المسعور ما له مشاوير = صوب الديار اللي عقدها بسيخه
للدار تخلى والموالي معاسير = والنار تخمد والبلايا نفيخه
كدره وبانت في جباه المغاوير= والليل يسكن في سوالف فخيخه
بالله فهمتم كيف وللا محايير = قافن وجا بالقلب ما هوب جخيخه
لين السّّعن مليان يبغى تفارير = من كثر خض الجود زبّد صبيخه
ردن على منقود ملفي تحارير = هاجس بليغ القول شيْبي طبيخه
وهذه المفردات
سبخ = مالح
ساخ = ذاب
ليخ = مخربط
صبخ = استوى
سيخ = قضيب الحديد
جخيخه = متعالي
المسخ= قلة اللحم
السعن = جلد الماعز يستخدم لخظ اللبن