الطائر المهاجر

موضوع جيد ومفيد

ولو افصحت عن اسم الشاعر كان افضل

انا عندي عدد من الملاحظات اولها

تكفى إذا تكفـى تهـز الرياجيـل
تكفاي أنـا تهـز رووس القبيلـه

هذا الشطر مقتبس من بيت (تكفى ترى تكفى تهز الرجاجيل )البيت معروف ومشهور والمفروض انه كتبه الشاعر

بين قوسين او اشار انه مسبوق عليه في اثنا القصيده كي لايتهم بالسرقه

والحقيقه الشطر الثاني مو راكب معناه كما يجب مع الشطر الاول لانه ينخى الموجهه القصيده له وفي نفس البيت يقول تكفاي انا تهز

روس القبيله فالاصح انه يخلي تكفى للموجهه له دون انه يمدح نفسه في نفس البيت . وكلمة وروس القبيله كان

فيه افضل منها لو فقط ذكر القبيله

كما في الشطر الاول تهز الرجاجيل تعدت الى الرجاجيل والمفروض الثانيه تهز القبيله باكملها

يعني من وجهة نظري يكون البيت كما يلي

تكفى اذا تكفى تهز الرجاجيل === تكفى لمن مثلك تهز القبيله
ــــــــــــــــــــــ
(وتناقلوا عرضي أهل القال والقيل) ارى ان الالف كلها مع همزتها تكسر الوزن واعتقد انها ماكانت خطى املائي

لان الصح (هل) وكلمة هل فرق بينها وبين اهل فيبدو ان الشاعر كتبها أهل قاصدا ولم تكن خطى املائي

واللي احب اقوله بشان الاخطاء الاملائيه انه ماكل الاخطاء الاملائيه تعتبر خطاء املائي فقط وتكون خارجه عن

النقد الادبي يعني فيه اخطاء املائيه واضحه وضوح الشمس هذي تكون اخطاء املائيه لاتدخل ضمن النقد ويجب ان تصحح

كما في (تشيل حمـل ٍ قـل منـه يشيلـه) منه واضحه انها (من هو ) هذي لاتعتبر نقد اما الالف اللي في أهل خطاء

املائي قريب جدا انه يكون خطا في الوزن
ـــــــــــــــــــــــ

اما

(وأنت الذي لامابقى للجمـل حيـل)


القافيه حيل

الرياجيـل

تبجيـل

دخيـل

وباقي القافيه في الشطر الاول

تختلف مع حيل في الحركات (حيل /جيل / تبجيل /دخيل) واعتقد انها واضحه حركة الحرف الثالث الذي قبل حرفي القافيه

ـــــــــــــــــ

(وأنا الذي عليك من وقتي دخيل ) لو كتب الف قبل دخيل افضل (ادخيل)
اضيف ايضا

ــــــــــــــــ

(ماأنت بقطـاع لحبـل المحاصيـل)

(انت) المفروض (انته )هنا اقول انها خطى املائي ويمكن تكون خطى في الوزن يعني الاخطاء الاملائيه وسيله

لهروب الشعراء من النقد في بعض الاحيان لكن اكررر فيه اخطاء واضحه وضوح الشمس انها اخطا املائيه وفيه

اخطاء ممكن تكون كسر

واكرر المفروض يكتب اسم الشاعر القدير الذي اتاح للجميع الاستفاده واعتقد انه شي طيب في حقه وشي يحسب

له لا عليه

واترك الراي لغيري من الشعراء والنقاد

تقديري للجميع