لو السهر طال وتمنيت ماانام= يكفيني اني في عيونك .....انا حي
خليني ارسم بالكحل طيف الاحلام= واروي هديل الشعر من سحرها شوي
ولا صرت ابقضي باقي الوقت بعتام= واحتاج من طول الهدب بارق الضي
ماهمني ولو أزهر براسي اثغام = وبعض الشجر ماينبت إلا تحت في
يا مثريه بالحب فكري والالهام = قلبي على غيابك شكى لاذع الكي
إخذي من اوقاتي لك سنين وايام= وسقي عطش قلبي من شفاتك المي
ترى حياتي دونك اشبه بالاوهام =والعمر مايسوى بدونك ولا.....شي