[صالح بن فارس]

قوّ قلبك أكثر واقسى عليّ = قد ما تقسى على قلبي يلين
وش عليه ..تزيد طعناتك شويّ = واْنت كلما تطعن انزف لك حنين
زي قلبي وين تلقى فيه زيّ = يكفي اضحك لك وانا كلي حزين
يكفي اهديتك من العينين ضيّ = والظلام السرمدي حولي سنين
لا بغيت الصدق ميت فيك/ حيّ = واْن صدقت اكثر انا بحبك دفين
تبتدي هجرك ولا كن فيه شيّ = وان نويت ارحل تناديني لوين ؟!
كيف تطلقني إذا اتكبل يديّ؟ = وانا حرّرتك من اقيود اليدين
يكفيْ لو مره تجي .. وتحس بيّ = ساكن .. بعينك ولا كنّ .. لك عين !
قوّ قلبك ثاني وثالث عليّ = اقس/ قد اقساك شف قلبي يلين !