هذا الاسم أحـب راعيـه وغليـه=غلاه عندي كبر الارض وسماهـا
وحتى لو أنه يطلب أعيوني أعطيه=وعطيه روحي لو طلبهـا وبغاهـا
ابيع كل النـاس بالـود واشريـه=وبعده مرض نفسي وقربه دواهـا
لاغاب عفت الكـون كلـه ومافيـه=وضاقت علي الارض وظلم فضاهـا
ادري وعرف الاسم ومنين راعيـه=ولا بعد وشلـون نفسـي غزاهـا
وعلى الكرامه والمعـزه مخاويـه=ماهو على شيـن العلـوم ورداهـا
افديه في مملك وفي روحي افديـه=ومقدر عليه وتطلبـه مـن فداهـا
بس المهم بكـل مايطلـب ارضيـه=واهم حاجه عنـد نفسـي رضاهـا
وحتى قصيدي يفتخر فـي معانيـه=فيها ويرقص قدمهـا مـن غلاهـا
ويفز لـه قلبـي ويفـرح بطاريـه=فرحت عقيم(ن)في بدايـت ضناهـا
الله يسعـد فـي حياتـه ليالـيـه=ويسهل دروب(ن)برجلـه مشاهـا
شيخه وبنت شيـوخ لبيـه لبيـه=تمشي وحراس الحكومـه وراهـا
ماهي بشيخة خمسة ابيوت ياهيـه=لا تلوم قلبي يوم يتبع هواها
ولاصار حاكم حب والقلب قاضيـه=مالي مفر(ن)عن مواجـه قضاهـا
وحكمه على عيني وراسي وباغيه=حتى لو انـه زاد نفسـي عناهـا
اللي يبيه أمر على النفس تمشيـه=وليا عصت نفسي عليـه اعصاهـا
وحتى قصيدي قام عرفـه يحليـه=كبي وبيس ويقتبـس مـن حلاهـا
لؤلؤ بحر يغني من الفقـر لاقيـه=دره ثمينـه وهنـي مـن لاقاهـا
داره جزيره في بحر صعب انا أجيه=وعنده شيوخ(ن)مايقـرب حماهـا
مادمت حين معـي مانـي بناسيـه=ولامت شعـري ذكرياتـه حكاهـا
جاك الشعر سيل(ن)طفح فوق واديه=ودخل بيوت اللي سكنـه وملاهـا
دارن وطاها تزتهر مـن مواطيـه=وهني دارن خـف رجلـه وطاهـا
ليت المنى يفيد عند متمنيه=ابا التمنى كل عمري معاها
من شان محد(ن)يعرف اسمه اخفيه=قصيدتي به يبلـش اللـي قراهـا