هم الليل
كل واحــد ينـــام الليــل في حضن خله
وانت ياقلب نومك وسط حضن الهموم
***
من لقلب التعاسه في اخر الليل من لـه
صـــار همــه طـــوال الليل عــد النجوم
***
ينتقل مــــن مكان ويرجـــع اليـــا محله
ان خــرج مــل وان عـود يصيبه وجوم
***
ليش انا كل ماشفت القمر صــرت امله
وش يفيــد القمــر لــو كان حوله غيوم
***
آآآآآآآآه واحظ مـــن خلـه حبيبه وظلـه
الحـــزن لــو يمـــر بخــافـقــه مايــدوم
***
تحتــوي عبــرتــه وتضمه الليـــل كلـه
وكل ماحس بــالغربــه وجــدهـا رحـوم
***
اقبــل الليــل واحــزاني دنت مستهلــه
بعـــد غــاب القمــر ابــدا بعـــد النجوم
***