السلام عليكم ...
من البديهي أن الشخص يحل مشاكله الإجتماعية بنفسه ،
لكن المشاكل العاطفية لايمكن أن تُحلّ .! إلاّ بطرف ٍ ثالث
وعندما يقف الأصحاب والأقارب موقف المتفرج وأنت تغرق
من الأخمص إلى الهامة ولايبدون حراكا ً...! هنا يتولى
الوسيط الحسيّ مهمّة الحدّ الفاصل لإحتواء المعضلة ،
ألا وهو ، الشعر .!
معكم مشاركة ...
الـرجـاء والـيـأس
ياويل قلب ٍ ، بادي ٍ به ضياعه = و ياويل جسم ٍ ، واقع ٍ بين نارين
إحترت أنا ، بالوضع والقلب ، لاعه = نار الفراق ونار هجر المحبين
وعلى الصبر ماعاد لي إستطاعه = روحي وحيلي منه والحال قاضين
وسود الليالي فرّ قتنا ،، بساعة = نحت به ،، وصرنا شتات ٍ بعيدين
وما دمت أنا سالم فهذي الطماعة = وش عاد لوالناس بالوضع دارين
أنا على ماشفت ، عندي قناعة = بس البلا ، بعض المعارف والأدنين
هذولي أصحاب ٍ ، وذولي جماعة = ما منهم اللي مصلح ٍ بيننا البين
مانيب أقوله ،، للفخر والشجاعة = يشهد على ماقلت ،، عام ٍ وعامين
ثلاثة أعوام ٍ مضت ، للقطاعة = والرابع أحسب له مضا منه شهرين
بين الرجاء واليأس ، قلبي بضاعة = ذولا يبيعونه ،، وذولاك شارين
مودتي لتواصلكم العذب
محمد بن عمار