[حرف وشعر]

البارحـه مانـام طـرف المعـنـا=سامر علي عذب القوافـي ولمثـال
يطرق جديد القـاف لا مـن تسنـا=ويشيد بنيانـه علـي رايـق البـال
محلا جديـد الشعر لا مـن تغنـا=واسقاك من عذب الطواريق مـوال
ومحلا بديع النص لا مـن تبنـا=من راس جزال (ن) الي كف جزال
يفلـهـا فــل الحـديـد المثـنـا=ويعلي مبانيها علي عالـي الجـال
فاق الشعـر ياصاحبـي كـل فنـا=فيـه البلاغـه والحكـم والتمثـال
عند الفخـار وعنـد حنـا وحنـا=يغنيك عن كثر الدعـاوي ولقـوال
بيت الشعر لاصار جزل (ن) تمنـا=كل المعاني صارت اصحاح واجزال
سوق الشعر وعكاض ماغـاب عنـا=ولولا الشعر ماصاح في السوق دلال
اعكاضنـا ثـم المجـاز ومجـنـا=ثم شاعر المليون في واقـع الحـال
حنا العرب العز فينا ومنا= وافعالنا راحت مع رجالٍ ابطال
كم شاعر(ن) لازال اسمه يرنا= بين الملا والناس تحفظ له اقوال
والسبع تشهد للشعر يامثنا=عند الركن كانت علي راس مدهال