[حرف وشعر]

المشاركة الأصلية كتبت بواسطة مجدي صالح المبارك

مشكله لاصار حسادك كثير=النوايا سود والأفكار ضحله
لاجلست (ا)بدارهم قالوا كبير=وان سريت الكل قام يسنّ نصله
صار ماحد ينتظر طيحة بعير=والخناجر ماعطت للحر مهله
آه ياوقت المنافق والحقير=كلما جلّيت شخصٍ شفت جهله
أدري ان الناس أجناس وخبير=وادري ان المرء له خصله وخصله
بس في هذا الزمن مابه عشير=يشفي الخاطر وظلّ الروح وصله
الوفا منبوذ والواقع مرير=والغدر أمسى على الأشهاد شعله
ياغدير الشعر أهدر ياغدير=بالهموم اللي غدت للقلب قَبله
من عرفتك حالتي كنّي ضرير=خانت (ا)عيونه وماتوا كل أهله
والعواذل نارهم تسعر سعير=لا قروا بيتٍ من الشريان نهله
مالهم ذمّه ولا فيهم ضمير=ولا لهم بالقاف أو حتى بشكله
يحسبوا قرض الشعر مثل الشعير=وكل من هو دق طبله قال قبله
ياعذول ابعد ترى مالي نظير=غير من لا قال تمّ القول فعله
سامحك ربي ولو مافيك خير=و كلّ إنسانٍ ترى يعمل بأصله

كبير يابوصالح كبير

دام بوحك ياخوي

المميز وشكرا علي امتاعنا

بهذه السامقه