ياللي اخذت
الفرح .. من داخل
عيوني
مايكفي
اني عطيتك
كل ما ودك
..............
اسعى على راحتك وانته تبي جنوني
ـــــــــــــــــــ وش فيك قاسي معي يالعنبو جدك
.
.
.
.
.
.
.
.
.
.
.
.
.
.
.
.
ياللي أخذت الفرح من داخل عيوني = مايكفي اني عطيتك كل ماودك
اسعى على راحتك وانته تبي جنوني = وش فيك قاسي معي يا لعنبو جدك
اسلوبك الصعب صار ايزيد بطعوني = ماكنك الا مواجه بالهوى ندك
مابين همي معك محتار بظنوني = سيطرت حتى على التفكير من قدك
اوقات احسك قريب ومحتوي كوني = واحيان اعزي خفوقي لاشكى صدك
العام الاول معي وتقول ( مجنوني ) =والحين عندك حبيبك بس ما شدك !!
وشلون تقوى تعيش الحب من دوني = جازيت منهو يحبك حيل ويودك
كتبتك اروع قصيدة باعذب إلحوني = إ سمع صداها مع الموال وتشدك
خليت ناس ٍ على شانك تمنوني = مديت كفي غلا واعطيتني يدك
وايقضت فيني جروح الامس وشجوني = شربت انا المر يومي جيت من ( عدك )
رسمتك الحلم يومك ترجي مزوني = واهديتك العمر لكن كيف ما سدك !!
ضحيت لجلك وشلت الحمل لمتوني = ما ودي انك تشيل الجرح ويهدك
سود الليالي معك ما غيرت لوني =حتى جروحك بقت ما بيّحت سدك !!
هذا هو الحال دامك تنسج كفوني = لا ترجي الحب لو دمعك على خدك
وياللي خذيت الفرح من داخل عيوني = اللغلطه اني عطيتك كل ما ودك !!
مع خالص الود
محمد العسكر