المشاركة الأصلية كتبت بواسطة أم فيصل

هلا عزيزتي الخيالة

اشكرك على الطرح الرائع
موضوع جميل الله يعطيك العافيه يالغاليه

صراحه أنا من طبعي الصمت يعني اتعرض كثير لمواقف المفروض احكي فيها
وادافع عن نفسي او ارد على أحد غلط علي

بس للأسف ما اقدر ... طبعي الصمت والخجل واخاف اجرح احد حتى لو جرحني مدري ليه
كثير حاولت اني اغير هالطبع وارد على اي احد يسيء لي او يظلمني بس ما اقدر امشيها واسكت
ولو حاولت اتكلم تلقين دموعي سابقتني قبل ما أتكلم ما ادري هذا ضعف شخصيه ولا طيبة زايده ...

يعني اجامل على حساب نفسي واعذر الناس على حساب نفسي وللأسف فيه ناس ما يستاهلون اصلا
والمفروض ينرد عليهم وتاخذين حقك منهم وهذا الأسلوب اللي ينفع معهم بس الى الأن ما قدرت اعدل هالضعف عندي والمشكله ان هالنوع من الناس اللي رايح فيها ولا له احترام ومكانه والا اللي لسانه طويل وما عنده في أحد تلقين الناس حاطينه فوق ويحترمونه ويقدرونه وهو الحبيب وهو الطيب وهو كل شيء

احيانا اقول حقي عند ربي هو ما يضيع عنده شيء واحيانا اسامح وأنســــى....

موضوع جميل لكن للأسف ما عندي حل لهالمشكله

تحياتي وتقديري لك