قم جهِّز العزبه
 

على اقبالة الوسم وتراكم الغيوم في هذه الايام وابتداء اتجاه الجو للبروده..
ازف اليكم هذه الابيات...لأول مره بمنتديات الفطاحله..آمل ان تصل الى درجة اعجابكم..
[poem=font="Simplified Arabic,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
قم جهِّز العزبه
يا عاشق البر العبر لا تخليه=قم جهِّز العزبه وكمل عددها
طلع سهيل وراحت اكثر لياليه=ونسايم الوسم اقبلت في بردها
الله يجيب الخير بوَّله وتاليه=ينشي مزون كل يومٍ رعدها
تهل ماها وتروي القاع تمليه=الماء لريضان الفلا هو شهدها
يفز فيه العشب ويصبغ مفاليه=خضاره بكل الهضاب ولهدها
يفرح به الباد وحلاله حواليه=ترعى بعارينه وضينه رغدها
ربلٍ مع البسباس وثعلوق عاليه=وحوذان والحنوه تزود مددها
نوّير وقرقاصٍ وصفَّار ماليه=مع الخزاما والنفل وش بعدها
فيه الزبيدي مصلع في خواليه=بيض النعام مشابهه في صعدها
ريحه يفوح بخايعٍ خصب طاليه=رغيب رقروقه علامة مهدها
وشيٍ بقى ما نعرفه في زواليه=والله ينبت بالاراضي جددها
الحاضره تلقى به السلو ويليه=في شوف زهر النبت يحيا سعدها
ما بعده الا شبت النار تدليه=ودله من البن اليماني زودها
معها قصيدٍ من الهجيني يحليه=فنجال وهيل الهند يعدل عمدها
وشمة نسيم البر الهم تجليه=يا عاشق البر العبر جا وعدها
عبدالله الشويمان-الرعد 1427 هـ
[/poem]

الشاعر العزيز/ عبدالله الشويمان
بارك الله فيك
ابيات وافية وشافيه
تحياتي وتقديري

عبدالله الشويمان

صح لسانك



لاهنت


تقديري

الشاعر القدير


عبدالله الشويمان


صح لسانك على هذه القصيده الرايعه الجميله

ربلٍ مع البسباس وثعلوق عاليـه
وحوذان والحنوه تـزود مددهـا
نوّير وقرقاصٍ وصفَّـار ماليـه
مع الخزاما والنفـل وش بعدهـا
فيه الزبيدي مصلع فـي خواليـه
بيض النعام مشابهه في صعدهـا
ريحه يفوح بخايعٍ خصب طاليه
رغيب رقروقه علامـة مهدهـا
وشيٍ بقى ما نعرفه في زواليـه
والله ينبت بالاراضـي جددهـا


عبدالله الشويمان

ماأجمله من نص وماأروعه من طرح

شوقتنا للبر وطلعاته

كل الود

الله يجيب الخيـر بوَّلـه وتاليـه 0 0 ينشي مزون كل يـومٍ رعدهـا

الشاعر عبدالله الشويمان


صح لسانك قصيدة رائعه ومشوقه
لاهنت يالغالي


تحياتي

[B][COLOR="Sienna"]اخوي عبدالله الشويمان

الله كملها علينا بخير

صح لسانك وفكرك على البداع الراقي


ويعجز القلم مايكتب لك من شكر لحروفك الجزله


تحياتي وتقديري لك[/COLOR][/B]

[quote=منيع]الشاعر العزيز/ عبدالله الشويمان
بارك الله فيك
ابيات وافية وشافيه
تحياتي وتقديري[/quote]

الاخ منيع

ما عليك زود يا الغالي

شرفني مرورك والتوقيع تحت القصيده.

لا عدمناك ولا هنت

[quote=عبدالله المرشدي]عبدالله الشويمان

صح لسانك



لاهنت


تقديري[/quote]

الاخ عبدالله المرشدي

صح بدنك واشكرك على المتابعه.

دمت بخير

أخوي عبدالله الشويمان

صح لسانك واعتلا شانك

وافيه من وافي

رايعه بروعة حضورك

لك فاائق احترامي وتقديري