منتديات الفطاحله - رد اسبرانزا على طلبات البنات بعد الزواج

[FONT="Arial"][SIZE="5"]السلام عليكم ورحمة الله

انا الحقيقه عقب ما نزلت موضوع (طلبات البنات بعد الزواك من ألاف الي اليأ) ، و الموجود على الرابط التالي:

[url]http://www.fatahilah.com/showthread.php?t=129[/url]

و بديت امخمخ فيه ، خفت ان اللي يقراء الموضوع يحسبني انا اللي كاتبه او يعتقد انه يمثل وجهت نظري.
لذلك قررت اني ارد على كاتب الموضوع الاصلي ( انا ما اعرفه ) و ابين وجهت نظري في ما كتبه:

[QUOTE][COLOR="Blue"]الالف :[/COLOR] ابي فلوس بروح معزومة على شاى ضحى[/QUOTE]

يعني وش فيها اذا تبي فلوس ، انت منت رجال البيت و مسئول عنها. ياخي عطها كل اللي هي تبيه ، هي الحين ما عطتك نفسها ونت قاعد تتكيثر عليها كم ريال. بعدين وش فيها اذا هي طلعت الضحى مهوب انت اصلاً تقيل و تتركها مرتزه في البيت بلحالها تقل جني.

[QUOTE][COLOR="blue"]الباء :[/COLOR] بكره ابيك تودين لبيت اهلي عندهم عزيمة [/QUOTE]

ودها لم بيت اهلها ، اول شي تكون اجتماعيه و ثانياً صلة الرحم و ثالثاً تفتك منها كم ساعة. انت وازن الامور و فكر فيها زين ترا روحتها لهلها ذو فايده عضيمه.

[QUOTE][COLOR="blue"]التاء : [/COLOR]ترى اليوم انا ماني مسويه عشاء روح للمطعم جيب لنا عشاء [/QUOTE]

المفروض انك ما تخليها تطبخ ابد ، هو انت ناوي تخرب على نفسك ، انت تبيها تحرق اصابعها ولا ودك يديها تمشق من غسل الصحون ولا ودك انها يفوح منها ريحة بصل و زفر ، صدق ما عندك دم ، اذا انت ما تبي اكل المطاعم ، قم انت وطبخ العشاء جعلك الكسر ولا وش الفايده منك.

[QUOTE][COLOR="blue"]الثاء :[/COLOR] ثلاث اسابيع ما طلعنا للمدينه الترفيهيه يالله ودنا اليوم [/QUOTE]

ثلاث اسابيع ، والله مجرم ولا تخاف ربك ، المفروض على الاقل تمشيها 5 مرات في الاسبوع. و ترا التمشيه لها فوايد اهمها رياضة المشي وحرق الدهون و الشحوم اللي ممكن تتراكم بسببك.

[QUOTE][COLOR="blue"]الجيم : [/COLOR]جيب خدامه تساعدني بشغل البيت ........ (والبيت نص شقة) [/QUOTE]

والله لو البيت غرفه ياخي جب لها شغاله ، هو انت ناوي تخرب على نفسك ، خلها دايم مرتاحه خلها دايم تفضا لتزيين نفسها ، تراك انت الكسبان في النهائة. هو انت تعاف انها كل يوم تطلع لك بشكل و للون هو انت ما ودك تستانس و يستاسع صدرك ، صدق من قال يخربون على انفسهم بيديهم.

[QUOTE][COLOR="blue"]الحاء :[/COLOR] حبيبى .. ودى بساعة شوبارد , مليت من ساعتى الاوميغا (شوفوا بنت النعمه ) [/QUOTE]

يا عيباه عليك تشتري لها ساعه اوميغا ، المفروض تشتري لها كل شهر ساعة رولكس ، و كل اسبوع تشتري لها ساعة يا قوتشي او قفينتشي او فلب شريول. يعني تاخذها من بيت اهلها و في الاخير تتكاثر عليها ساعه بكم ملطوش ياخي استح على وجهك.

[QUOTE][COLOR="blue"]الخاء :[/COLOR] خل الاستراحة عنك اليوم .. انا عازمتك نتعشى بره , بس على حسابك يا حياتي [/QUOTE]

احمد ربك انها عازمتك حتي لو على حسابك ، صدق انك رجال ما تستحي.

[QUOTE][COLOR="blue"]الدال :[/COLOR] دور لنا فله على 3 شوارع وفيها قبو (حتى راتبة نص الشهر رايح وكل هذا مطلوب وعنده ديون ) [/QUOTE]

يعني هذا جزاها اللي قلبها عليك و تبيك تملك لك بيت.

[QUOTE][COLOR="blue"]الذال :[/COLOR] ذيك السنة (قبل 10 سنوات) قلت لك اشتر لنا سيارة فان اوسع وما شريت [/QUOTE]

صدق اللي اختشو ماتو ، يعني ما لقيت تشتري الا فان ، ياخي المفروض تطق الها روز.

[QUOTE][COLOR="blue"]الراء :[/COLOR] روح قدم على اجازة خلنا نسافر لاوروبا ,, اووف حر [/QUOTE]

تقل اني داري اذا جيت تدلعها و تسافر بها وديتها للشرقيه مسوي نفسك رومنسي ، الله ياخذك انت و رومنسيتك ، هو انت ما سمعت في باريس ولا فينا ولا روما ولا فانكوفير.

[QUOTE][COLOR="blue"]الشين :[/COLOR] شيل ولدك شوفه يبكي [/QUOTE]

يعني انت تكون السبب في جيت ورعك ، ولا ودك تشيله و تساعد في تربيته. عيب والله عيب.

[QUOTE][COLOR="blue"]السين :[/COLOR] سو للبيت حديقة كشخة , حط فيها نافورة , زين !![/QUOTE]

يعني هذا جزاتها اللي قلبها عليك و ودها انك تستنشق اكسجين طازج. وراكم يا الرجال ما نفكرون بعقل البنت يمكن تتطورون و تصيرون اذكيا.

[QUOTE][COLOR="blue"]الصاد : [/COLOR]صفط الملابس هناك منثرة , مليت وانا القط وراك [/QUOTE]

لا ولك وجه بعد تعترف انك قاعد تجدع ملابسك في كل محل. صدق هزولت.

[QUOTE][COLOR="blue"]الضاد : [/COLOR]ضبط اوضاعك .. ترى كبرت المسؤولية (حتى حرف الضاء ماسلم منهم)[/QUOTE]

ما قلت لك انكم يا الرجال تسوون من الحبه قبه ، الحين هي قلبها عليك و تبيك تكون دايم رافع راسك بين جماعتك و في الاخير هذا جزاتها.

[QUOTE][COLOR="blue"]طاء [/COLOR]: شف السيارة خرده تفشل قديمة , نبي شبح [/QUOTE]

يعني انت فكر في الموضوع قاعد تسوق ددسن ( ابو عزيز ) موديل 1982 ولا تبيها تقول شي.

[QUOTE][COLOR="blue"]الظاد: [/COLOR]الظاهر انت ما تحبنى .. ليش ما شريت لى العقد الالماس اللى بغيته [/QUOTE]

وش عذرك ما شريت لها عقد الالماس ؟؟ ما عندك فلوس !! ترا هذا مهوب عذر ، ترا السالفه راس مالها مسدس طرطعان و ادخل على مؤسسة النقد و ضف كل ما عندهم ، و اذا انت خيخه ولا تقدر على علوم الرجال رح اشتر لها عقد زركون تراه اخو الالماس و صدقني ترا ماهي عارفه الفرق.

[QUOTE][COLOR="blue"]النون :[/COLOR] نبى نحجز شاليه شرم الشيخ طول الصيف ..لا تنسى [/QUOTE]

ما قلت لك انكم يا الرجاجيل تطيرون في العجه ، ترا هي قصدها تبيك تستاجر الشاليه طول الصيف عشان يطلع عليك بسعر رخيص و بعدين تقدر تاجره على جماعتك بالتقطيع ، يعني الموضوع بختصار استثمار يا الدلخ.

[QUOTE][COLOR="blue"]الهاء : [/COLOR]ها عاد .. ترى اروح بيت اهلى ! اذا مو قد الزواج وتكاليفه ليش تزوجني ؟؟!ا [/QUOTE]

ونت من جدك تبي تزوج ونت ما عندك حق الزواج و تكاليفه ، يعني انت شايفها اندونيسيه ولا مصريه ولا سوريه ، لا يا الحبيب هذي سعوديه على سن و رمح ، الغالي يرخص لها ، هي كل الزين و كل الحلاوه ، هي بنت العز وبنت البيوت الاصيله هي من احفاد الرسول هي شذا السعودية.

[QUOTE][COLOR="blue"]الواو : [/COLOR]ورني شطارتك روح عند اخوك خذ منه الورث (راعية مشاكل) [/QUOTE]

انت الحين عندك ورث و زارفه منك اخوك ولا انت قادر تاخذه منه ، يعني صاير رجال علي مرتك وبس ، ياخي عيب والله عيب كل ما قالت لك ابي عقد الماس ولا ساعة جديده قلت ما عندي فلوس و في الاخير طلع اخوك زارفك و طلعت انت الحرمه قدام اخوك.

[QUOTE][COLOR="blue"]اللام :[/COLOR] لازم تتحقق مطالبى اول بعدين ارد لك [/QUOTE]

يعني فرحان انت ويا وجهك ، يقولون شف وجه التيس و احلب لبن ، انت وشلون من الاساس تتجرا و تزعلها عليك و تخليها تروح بيت اهلها ، افا بس معاد اهنا رجال ، ياخي انت المفروض خدام تحت رجليها ، هي تامر ونت اتطامر.

[QUOTE][COLOR="blue"]الكاف :[/COLOR] كافى كلام .. كسرت خاطرى راح اردلك بس بشرط [/QUOTE]

شفت حتي ونت مزعلها منك اول ما شافت الدمعه في عينك كسرتا خاطرها و وافقت ترجع لك ، حتي لو بشروط انت بس احمد ربك و كل تبن.

[QUOTE][COLOR="blue"]الياء :[/COLOR] يالله ايدك على 2000 ريااااااااااال بشتري فستان بروح لعيد ميلاد صديقة صديقتي...و و و و و و و [/QUOTE]

انا ما قلت لك انك ما تفهم ، ترا هذي زوجتك مظهرها من مظهرك ان لبستها رخيص فنت رخيص ون لبستها غالي فنت غالي.

[QUOTE]مسكيييييييييييين اللي بيتزوج وحده مثل هدي..[/QUOTE]

لا والله في هذي انت غلطان ، انت لو يحصل لك ضفر من اضافر وحده زي هذا فنت امك وبوك و اخوالك و عمانك داعين لك ، هو من اللي يقدر يطول و ياصل لوحده زي هذي.[/SIZE][/FONT]