منتديات الفطاحله - صــــــدى قصيــــدة ناصر الهواوي

منتديات الفطاحله (http://www.ftahilah.com/index.php)

- محاورات ومسابقات الفطاحله (http://www.ftahilah.com/forumdisplay.php?f=410)

- - صــــــدى قصيــــدة ناصر الهواوي (http://www.ftahilah.com/showthread.php?t=27823)

صــــــدى قصيــــدة ناصر الهواوي

[center][size="4"][color="navy"]
قصيدة الأخ العزيز الشاعر : ناصر بن عبيد الهواوي

[poem=font=",7,white,normal,italic" bkcolor="darkred" bkimage="" border="double,2,blue" type=2 line=1 align=center use=ex num="0,black""]
البارح اهوجس واسوي قصيدة = لعلها تخرج من الضيق وآروق

والصدر همه شب فيه الوقيدة = والنوم ابد ماكان يطري على الموق

واقول واهون واغير واعيده = لين انها زانت وشبت عن الطوق

وجت لي معانيها جزال وفريدة = واوضى الجبين ومظلم الشعر مفروق

ويوم انها صارت على مانريده = زوقتها واهديتها داعي الشوق

حيثه ذكي وارياه دايم سديدة = ولي يتضح من منطقه عالى الذوق

ياسعود خذ مني علومٍ وكيدة = فكر بها ربي يفكك من العوق

مرهون قلبي من هاكلحين بيده = وبكفه الآخر جمع كل معلوق

له صار ملك وصاحبه صار سيده = ماهوب يرفق به وماهوب معتوق

له كم سنه عايش بعيشة زهيدة = ومكبلٍ عند اريش العين موسوق

إن قلت اجي لك قال هاذي بعيدة = وإن قلت زرني قال تامرني ابوق

ولا زلت في بالوى ومنة نكيدة = مافيه حاضر دايم الوعد مفهوق

كني (كركتير)ورسوم بجريدة = اروح وارجع ليلي اهرف مع السوق

واصبحت احسد اهل القلوب البليدة = اللي خلية ماسعر جوفها الشوق

والطبع شره وحني راسي ما اريده = لو طاح جسمي ودي بهامتي فوق

ياسعود كان الوضع حله تجيده = شف حلٍ مناسب لوضعي يابن روق

عسى حياتك يالعتيبي سعيدة = وعساك دايم في مسرات ووفوق [/poem]

و كان الصدى مني المتواضع

كما يلي :

‘‘‘‘‘‘‘‘‘‘‘‘‘‘‘‘‘‘‘‘‘‘‘‘

[poem=font=",7,white,normal,italic" bkcolor="indigo" bkimage="" border="double,2,deeppink" type=2 line=1 align=center use=ex num="0,black""]
حييت يا راع البيوت الجديدة = اللي معانيها كما التمر بعذوق

محبوكة المبنى مثايل فريدة = ممنون يا ناصر و يا حي منطوق

أخباركم ياخوك ماهي سعيدة = متعكرٍ جوّك مع رعود وبروق

تشكي عذاب الحب و اشياء عديدة = قلبك رهين العشق غادي و مسروق

الحب له مبدأ و نظرة بعيدة = شمسه على وضح النقاء دايم شروق

معلوم يا ناصر جرا لك مكيدة = حيث إنهن للكيد لاحق و ملحوق

الجادل اللي ما صدق بك وعيدة = الجادل اللي إقترف ذنب وعقوق

معشوقتك ما هيب هي الوحيدة = كل العذارى مالهن عهد موثوق

منهاجهن يعصف قلوبٍ عنيدة = عزي لمن ساقن له الطاق مطبوق

منهن ترى حالي هجدها هجيدة = عزي لقلب مولع بحب معشوق

يا ما كوّن قلبي حرايق وقيدة = شبوا به النيران و الجوف محروق

قلبي و قلبك و العواقب شديدة = في حكمهن مالك براهين و حقوق

تشكي وانا أبكي و الخلايق شهيدة = إني صويب العام بأسباب غرنوق

و اقول لك جملة تراها مفيدة = لو كان ما تخفيك مع كل طاروق

إلكم نصيبٍ بالهوى يالوليدة = دامك هواوي أنت بالاسم مسبوق

منهو يلومك و أنت راع النشيدة = اللي لكم تاريخ و جذور و عروق

أنا دعيت الله محصي عبيدة = يــفـــرج لنا و إياك و لكل مخلوق [/poem]

[/color][/size][/center]