الواواســـــــــــــــــــطـة
 

[poem=font=",5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
مافيه حاجه ساقطه الا وراها لاقطه= واللي يطيح من السما في الارض يلقا له قبيل
والطب ماخلّى علاج الا علاج الواسطه= ماعينوا اعلاجها فالطب والطب البديل
حتى سهوم اهل النزاهة فالدواير هابطه= قليل لامنك لقيت اللي بعد مخْلص قليل
تلقا خيوط معاملَتْك الهينه مترابطه= من دونها يفتل وينقض راعي الطبع الرذيل
الا يكون تحط في مخباه شيٍ قافطه= ولا تدوّر واحدٍ قد صار له عنده جميل
يمكن تروح وخاطرك مبسوط منه وباسطه= انهيت موضوعك وهو قد كان عندك مستحيل
وان جت وظيفة في قطاعٍ كلبوه مرابطه= وظيفةٍ يالله تسد الدين وتفك الكفيل
هم جاك من همه وهم ابوه وامه شاخطه= لاضاق صدره قال حسبي الله ونعم الوكيل
ينقل ملفٍ حطته الاقلام كنه خارطه= من كثر مايكتب عليه ارقام يشبه للدليل
قد له سنينٍ فوق طبلون الغماره صافطه= مر المناطق كلبوها من شروره للجبيل
قالوا له اللجنه ترا عندك ثنيّه ساقطه= والطول تحت المستوى وجسمك ضعيف ونحيل
رح ضبّط امورك مع العالم بدون مغالطه= حاول وشف لك حل في عمرك ولايخْدم بخيل
واللي وراه قصيّرٍ لكن حظه ماغطه= عيّن له مسنّع وصار بقدرة القادر طويل
عوّد على النادي وسجّل مع صفوف الرابطه= يشجع الكوره ويلقا فالعصر ظلٍ ظليل
قال المدرّب ويش ذاك اللي عيونه شاحطه= اللي مع الجمهور متجمّد تقول انه قتيل
قالوا هذاك غليّمٍ جرحان قلبه نافطه= عليه من بقعا همومٍ خلّته مثل الهبيل
قال ازهموه امزح معه والاطفه واعابطه= واشوف لو انه مع الجمهور مدسوسٍ عميل
نادوَه والماخوذ جا مسرع وراسه رابطه= اسبق من البارود لامن ثار من خشم الفتيل
قال الولد هذا على رجليه سرعه فارطه= لو نقدر نحطه مهاجم عندنا ماله مثيل
واقبل عليهم ريّس النادي وثوبه زانطه= يمشي مع الملعب على رجليه كنه مشي فيل
توه صلاة الظهر قدر الضغط تيسٍ ماسطه= والبارحه ممسي وهو في بطنه شقاق الحسيل
قال انت بكره لاتجيني الا وراسك ماشطه= وتقص اظافر رجلك اللي كنها روس الدريل
يمكن نحطك فالهجوم ان كان لعبك ضابطه= اربّك تسد اللزوم وتبرد القلب الغليل
هذي الجماهير الغفيره كلبوها ساخطه= اللاعبين مهرقلين ومستوى النادي هزيل
قال ابشر بعزّك ونا مانيب اقول مهايطه= والله اني آجمّل عسى الله يكتب الفعل الجميل
ولعبوا ثلاث مبارياتٍ والنقط متناقطه= فازوا بها واهدافها من صاحب الجهد المهيل
مافيه حارس قدمه الا بالكباري قاشطه= الين صارت فالصحافه شهرته عابر سبيل
وقامت تفاوضه النوادي والعروض مساقطه= وصارت ملايين الدراهم في حساباته تسيل
واللكزس السودا الجديده عند بابه صافطه= والفلّه اللي سلموها له على شاطي النخيل
ضحْكت له الدنيا وهو قد بهْذلَته الواسطه= والواسطه في طلبة الله راعي المد الجزيل[/poem]

رد: الواواســـــــــــــــــــطـة
 

الله الله الله
الله

صح لساااااااااااانك مليون ياسعيد

مبدع ورائع ومميز

قصيده وافيه

والله يعين اللي يدور واسطه

لاهنت

تحياااتي

رد: الواواســـــــــــــــــــطـة
 

سعيد الأكلبي

صح لسانك

نص وافي من وافي

تقديري ,,,,,,,

رد: الواواســـــــــــــــــــطـة
 

صح الله لسااااااااانك
يا الذيب
وبيض الله وجهك يا أبيض الوجه
قصيدة جزلة وقويه
معنى وجزالة وإبدااااااااع
ولا ذبحنا غير ها الواسطه اللي أكلت حقوق
المستحقين
ولن نلقى لها علاج أبداً
شاعر كبير وقدير
بيض الله وجهك

رد: الواواســـــــــــــــــــطـة
 

[color=black][font= ][b][right]قالوا له اللجنـه تـرا عنـدك ثنيّـه ساقطـه[/b][/font][/color][/right]
[color=black][font= ][b][left]والطول تحت المستوى وجسمك ضعيف ونحيل[/b][/font][/color][/left]
[color=black][font= ][b][left] [/b][/font][/color][/left]
[color=black][font= ][b][left] [/b][/font][/color][/left]
[color=black][font= ][b][left] [/b][/font][/color][/left]
[color=black][font= ][b][left]صح لسانك[/b][/font][/color][/left]
[color=black][font= ][b][left]سعد الاكلبي[/b][/font][/color][/left]
[color=black][font= ][b][left] [/b][/font][/color][/left]
[color=black][font= ][b][left] [/b][/font][/color][/left]
[color=black][font= ][b][left]قصيدة تحكي واقع الواسطة والحال التي [/b][/font][/color][/left]
[color=black][font= ][b][left] [/b][/font][/color][/left]
[color=black][font= ][b][left]العالم فيه من اسباب الواسطة [/b][/font][/color][/left]

رد: الواواســـــــــــــــــــطـة
 

[font=simplified arabic][size=4][color=black][align=right]
نَصّ رَائِع
وكَلِمَات فِي قِمَة الرَوعة
لافضّ فُوك
دُمْتَ بِخَير
[/color][/size][/font][/align]

رد: الواواســـــــــــــــــــطـة
 

الاخ الفاضل الشاعر / سعيد الأكلبي
ما أجمل الوقوف على عتبات كلماتك
صح لسانك .. فقد أستمتعت بكل حروفها
تقبل تحياتي وتقديري
أخوك / بن ماضي

رد: الواواســـــــــــــــــــطـة
 

[center][size="4"][b][color=#000000][color=#006600]سعيد الأكلبي [/color]



قصيدة هادفه ومتقنه

من شاعر لا يأتينا إلا بكل رائع ومميز


أبدعت في تصويرك لبعض حالات الواسطه

وكذلك في تصويرك للرشوه


مبدع شاعرنا ومتجدد في أسلوبك وأتقانك


صح لسانك ملايين ملايين


ولك فائق تحياتي[/color][/b][/size][/center]

رد: الواواســـــــــــــــــــطـة
 

سعيد مقبل الاكلبي


سلمه الله


مليون مليون صح السانك


وعلا شانك



لاهنت ياسعيد


قلت واجزلت


تحيتي وتقديري

رد: الواواســـــــــــــــــــطـة
 

صح لسانك ولا هان راسك
مدد بلا عدد
دمت كماانت مبدعا
تحيتي الطيبة