عشقي حرفك الاول ملامح حرفك الثاني
 

[align=center][size="5"][font="arial"][color="darkslateblue"]السلام عليكم ورحمة الله وبركاته
بسم الله الرحمن الرحيم


القصيدة السادسة[/color][/font][/size][/align]


[size="4"][color="darkred"][align=center]يا عشقي حرفك الاول ملامح حرفك الثاني
يا اجمل من جمال الوقت بنظراته وكلماته

احب قربك واحب شوفك ولو وقتي تحداني
اجيلك شايل عظامي وادف قلبي بخطواته

ولو اني على بعدي كتبلك حرفي ولساني
وجيتك ياورود الحب اصافح دافي نسماته

نظر عيني ملاك الروح اعذب صافي الواني
بدونك ياغلا عمري يهل الليل عبراته

سهر يسكن ملامحنا يغني اجمل الحاني
واضمك داخل انفاسي ياعطر زاد نفحاته

واداعب شعرك المنثور على وجهي وغطاني
واسمع من صدى صوتك لحرمانه وآهاته

واناظر رسمة عيونك ياللي بالهدب جاني
جنت بي بسمة شفاهك حلا صوتك ووناته

يالون الورد والجوري ذبحني حيل عناني
اناظر في شروق الشمس علينا زاد سطعاته

يمر الوقت ويديني تلامس خدك الفاني
خيال بالفكر صورة لترسم من معاناته

وحرف الميم قربني وشرقبي ووداني
الامس من ضياء القمره على يدي بنقشاته

وسهم انكسر راسه وانا مجروح خلاني
ترك صدري نزيف حي وزوّد فيه طعناته

وطيري ضاع في فجوة سماها ماهي اوطاني
وسيّر في سما شخص تقلّب في مسافاته

وبحري اسمع امواجه يناديني تحداني
وانا لوّي لفيته كان عصف فيني بطيّاته

اجيلك ياقمر عمري ولا ادري مين وداني
واشوفك ترتجي والخوف من باقي سواياته

وشمعي انطفى نوره تذاوب وسط وجداني
على شخص تألم من تذكّر ماضيٍ فاته

ياحرف الميم اسمعني دخيل الله يافلاني
فانت الشوف والنظره بيومي تتبع اوقاته

ياليت الروح تفهمني الا من عضة اسناني
اضمك في حشا جوفي وتدفى من حراراته

والامس طرفك الخاجل على خدك تساواني
واشوف من الشعر قصة توصف لي حكاياته

انا والله لو اكتب ماظن بيوم تناساني
وشعري في يديك اليوم بصفحاته وطياته

ولكن انتهى حرفي وامسك هذا عنواني
لأجلك افرد اهدابي ياعمري مع مسراته

لعينك اكسر الدنيا وحطم قصر برزاني
لجل اداعب اطرافك وترويني بلمساته

تنومي مفرشه صدرك على مافات بجناني
واتوه بعالم مجنون تفرّحني مخاواته

وينام الحرف في صفحه اغطيه وتغطاني
وهذا كل ماعندي ياروح القلب ونظراته[/align][/color][/size]

رد: عشقي حرفك الاول ملامح حرفك الثاني
 

الجزل / عبدالله البيشي

صح لسانك وجاد بيانك

نص جميل من شاعر ٍ مبدع

لله درك يالغالي

سعدت بحضوري الباكر

تقديري ,,,,,,

رد: عشقي حرفك الاول ملامح حرفك الثاني
 

[color="darkorange"][align=center][size="6"][font="comic sans ms"]البيشي

صح لسانك ملايين يخوي

سلمت و سلم فكرك

الف شكر لك

دمت برعاية الخالق[/font][/size][/align][/color]

رد: عشقي حرفك الاول ملامح حرفك الثاني
 

[font="comic sans ms"][size="6"][color="magenta"]عبدالمحسن البيشي،،،


11111111111111111111لله علييييييك


صح صح صح لسا1111نك


قصيده قمة في الرقه ومشاعر قمة في الوضوح ،،،


كلمات تقطر عذووووبه ،،،


إبدعت وما قصرت لا عدمنا1111ك ،،،


عطيك العافيه

دمت بود [/color][/size][/font]

رد: عشقي حرفك الاول ملامح حرفك الثاني
 

الله الله الله صح لسانك ابدعت
رااااااااااااااااائع دائما
دمت مبدعا .......... لاتحرمنا وجودك وابداعاتك

رد: عشقي حرفك الاول ملامح حرفك الثاني
 

صح لسانك واعتلى شأنك
نص رائع من شاعر رائع
لاهنت
دمت بود

رد: عشقي حرفك الاول ملامح حرفك الثاني
 

سلمت وسلم فكرك
جزلة من شاعر جزل
لاهنت وبيض الله وجهك
تحية طيبة

زهرة

رد: عشقي حرفك الاول ملامح حرفك الثاني
 

البيشي
صح السانك
جزلة من جزل
لاهنت

رد: عشقي حرفك الاول ملامح حرفك الثاني
 

صح لسانك
واعتلا شانك
قصيده رائعه

رد: عشقي حرفك الاول ملامح حرفك الثاني
 

نص جميل



صح لسانك


ولا هنت