ميدان الأحرار ( صوتية )
 

11 / 7 / 1429 هـ

يوم الاثنين وضمن مهرجان صيف بريدة أقمت أمسية في الخيمة الشعبية هناك وكانت الامسية تحت ادارة الشاعر والأعلامي
محمد الغرابي أبو فهد

وجادت القريحه بهذه المتواضعه في ذلك اليوم


لعل هذه المتواضعه ان تشفع لي غيابي القصري



[rams]http://up.fatahilah.com/up//uploads/28a4119f15.wav[/rams]



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أخبار ماعندي سواليف وأخبار=مغير قلب(ن) عذّبتة الطواري
أمسيت في دار(ن) وصبّحت في دار=طرقة وليل ومعضلات ومساري
سريت من جدة على وقت الأسحار=من بعد ماضاقت علي الحواري
من الطريق اللي يجي ظلم ويسار=بين الديار وبين هاك السباري
يالرنج لك عندي معزة ومقدار=مالك ومال معلقين البواري
فزتك مثل الحر لا فز ثم طار=مثل العديم أليا انصرم للحباري
لا أقبلت مثل اللي نوا ياخذ الثار=عقيد قوم وساطي(ن) بالشباري
يحشّمك بطناج الأسفلت والقار=وشلون عاد الأرصفة والكباري
تمشي على البيداء بلا قيد وقثار=مايشبهك ياكود سفن الصحاري
مشوارك الليلة ماهوب أي مشوار=الوضع عاجل والحضور أضطراري
يم القصيم ويم ميدان الأحرار=اللي مخيمهم يمين الحضاري
يا ابو فهد دونك يصدن الأعذار=كنك من الشورى مصدر قراري
أجيك لو دونك يحولن الأقدار=واسج رجلي بين بايع وشاري
وان قلتلي للنار ابا أطيح فالنار=عقلي مفخخ والشعور أنتحاري
لأنك عزيز ومن طويلين الأشبار=للطيب في وجهك رسوم ومواري
شاعر وأعلامي مثقف وبيطار=وكلن على ماقيل خابر وداري
وتجمعوا شعار من كل الأقطار=وكلن بماعندة يجود ويماري
أحدن يغنيها على بن وبهار=وأحدن من الفرقا يهل العباري
وأحدن يجر الصوت ويشد الأنظار=دايم على بدع الجزيلات ضاري
وأحدن يسريها على دفة الطار=وجحا يقول المشكلة من حماري
وأحدن يمسح جوخ صلفين الأعمار=لاهوب لاكاتب ولاهوب قاري
وأنا عسفت كروش من قب الأمهار=ووردتها بين الوعر والضواري
جنبي على البيدا كما ضلع سنجار=ماحركة صفق الهواى والذواري
واليوم أبرحل عن ميادين الأشعار=عنها يسليني صحيح البخاري [/poem]

رد: ميدان الأحرار ( صوتية )
 

واليوم أبرحل عن ميادين الأشعـار=عنهـا يسلينـي صحيـح البخـاري

صح لسانك واعتلى شأنك
ولكن ما اظنك تجوز عن الشعر
ولا بأس من الإلمام بصحيح البخاري ومسلم
لمعرفة ما يجهله المسلم من امور الشرع
جزلة من راس جزل وشاعر متجدد الإبداع
لاهان راسك
تقبل أطيب التحيه

رد: ميدان الأحرار ( صوتية )
 

[quote]وان قلتلـي للنـار ابــا أطـيـح فالـنـار=عقـلـي مفـخـخ والشـعـور أنتـحـاري[/quote]

ههههههههه
[quote]واليوم أبرحل عن ميادين الأشعـار=عنهـا يسلينـي صحيـح البخـاري[/quote]

من صحيح البخاري
الى الانتحار والنار ماتجي ياعادل
عموما ابياتك رائعة وراقية ومعبرة
سعدت بها في هذا الصباح الجميل بشعرك
تحياتي لك

رد: ميدان الأحرار ( صوتية )
 

الشاعر/عادل

صح لسانك وعلا شانك
لاهنت على هذا الابداع
تحياتي وتقديري

رد: ميدان الأحرار ( صوتية )
 

[FONT="DecoType Naskh Extensions"][SIZE="5"][COLOR="DarkRed"]
الاخ الشاعر القدير

عادل العتيبي

صح لسانك ولا هان راسك

ابدعت فيها بيض الله وجهك




تقبل تحياتي وتقديري لك[/COLOR][/SIZE][/FONT]

رد: ميدان الأحرار ( صوتية )
 

أحـدن يغنيهـا علـى بـن وبهـار.......وأحدن من الفرقـا يهـل العبـاري
وأحدن يجر الصوت ويشد الأنظـار.....دايم على بدع الجزيـلات ضـاري
وأحدن يسريها علـى دفـة الطـار....وجحا يقول المشكلة مـن حمـاري
وأحدن يمسح جوخ صلفين الأعمار....لاهوب لاكاتـب ولاهـوب قـاري


عادل العتيبى

صح لسااانك يالجزل

هذا الشعر اللى يطرب

لا تكتب الا ما تنحنى له الهامات

مفرده ومعنى وجزاله

لله درك يالقرم

تقبل مرورى المتواضع

رد: ميدان الأحرار ( صوتية )
 

عادل
دائم وافي يالغالي
ولغيابك شوق
ولاكن بعد اتحافنا بهذه الرائعه مانقول الله الله يجزاك خيراً عودة حميدة
شكرا لك ولاهنت عيني

رد: ميدان الأحرار ( صوتية )
 

[B]وأحدن يجر الصوت ويشد الأنظـار
................................[COLOR="DarkRed"]دايم على بدع الجزيـلات ضـاري[/COLOR][/B]
الفاضل عادل العتيبي.....................
وانت ممن يدخل تحت هذا المعنى
بل ويتربع على عرشه
دمت مبدعا صادحا عذبا
لك كل الشكر

رد: ميدان الأحرار ( صوتية )
 

الشاعر الرائع عادل العتيبي ,,,,
صح السانك على القصيدة الطيبة والرائعة ,,,,
الله يعطيك العافية على هذا الإبداع والجمال ,,,,
اشتقنالك يالغالي ,,,,
تحياتي وتقديري ,,,,,,

رد: ميدان الأحرار ( صوتية )
 

قصيده ترفع الراس وقمه بالجزالة
والحقيقه ابدعت ابدعت يانجم
والف صح لسااااانك يالعتيبي