منتديات الفطاحله - خـنـجـر الـوقـت !...^^

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - خـنـجـر الـوقـت !...^^ (http://ftahilah.com/showthread.php?t=22393)

خـنـجـر الـوقـت !...^^

[color=#8B0000]السلام عليكم ورحمة الله وبركاته
تحية طيبة للجميع
مصافحة جديدة
أحببت أن أقدمها لكم

مع أجمل تحياتي,,,[/color]

[poem=font="Simplified Arabic,6,red,bold,normal" bkcolor="transparent" bkimage="backgrounds/5.gif" border="double,4,red" type=1 line=0 align=center use=ex num="0,black"]
أنا فينـي مـن الونـات فينـي=عقب ما عوّد المرسـال خايـب
صويب ولا حسبت إنه يجينـي=على كثر الغـلا زود المصايـب
أنا حالـي تـردى يـا ضنينـي=ولا ادري وش بعد خافي وغايب
بلانـي ربـي اللـي مبتلينـي=بجور وظلم من أغلى الحبايـب
كثر مـا مـد قلبـي باليمينـي=خذيت من الشمال أقسى الكتايب
تهمّلت ورضيت وغبـت بينـي=وبين هموم واوجاع وضرايـب
أسدّ الدين لكـن مـوب دينـي=رصيدي وأعرفه فوق الطلايـب
رفعته لأجل أعـوّد معصمينـي=على فك العقد وأقوى النشايـب
ولكـن الرصيـد اللـي دفينـي=تنثّـر مـن صناديـد الهبايـب
ريـاحٍ أنتشيهـا مـع حنينـي=سموم اتفتّق صـدورٍ صلايـب
وعيت وفاضت من الدمع عينـي=وخط بخنجر الوقـت السكايـب
ولا بشكـي وفاهـم ظالمينـي=مذلّه لو شكيت وانـت شايـب
ولكن حسبي اللي مـا نسينـي=دعيته يقتضي جور الصحايـب
سنيني . . يا حسافه !! ياسنيني=قضت زخّات وبـروق ولهايـب
رماد بشرق ، وبغربي سجينـي=أتوه إليا مشيت وصحت تايـب
تدلّى متن ، وضلوعـي تبينـي=كثر ما شال في وقت العجايـب
قوى لين انكوى وسط الجبينـي=ونخ وصـار بالنوفـات هايـب [/poem]

[color=#8B0000]أخوكم / نــــزفــ الـقــصـــيـــــد . . . . . .[/color]