وعد الزمن>> كذاب
 

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
امر انكتب والامر ماهو بيدينا = غصب افترقنا يابعد كل الاحباب

حلم وصحينا منه نكد علينا = وعد الزمن يوم اصبح الوعد كذاب

الله كم اهواك في كل حينا = والله يآنا انجن زولك اليا غاب

انا على فرقاك شخصٍ (ن) حزينا = والدمع يهمل كالمطر بين الاهداب

واضحك وانا بالقلب حزن(ن) دفينا = اخاف لايدرون ناسي والاصحاب

يامن جلست بعرش قلبي سنينا = هواك يا اغلى الناس للقلب نهاب

ياما ضحكنا يوم وياما بكينا = ويا ما همسنا بساعة(ن) كلها اعجاب

وياما تزاعلنا وياما رضينا = وياما ذرفنا الدمع في لحظة اعتاب

وياما بنار الشوق غصب انكوينا =وياما تبادلنا المشاعر على الباب

وياما تمشينا ورحنا وجينا = والحب يسكن فالضماير بلا احساب

وياما مسحت الدمع كالرافدينا = وياما من السانك تلقيت الالقاب

وياما كتمنا ضيقة(ن) ماشكينا = وياما بذلنا للغلا كل الاسباب

وياما وياما وكثر ياما حكينا =عن شوق جارف عن طموح(ن) لنا شاب

وفي لحظة(ن) غاب الامل مادرينا = حظ(ن) ردي والوقت ياناس غلاب

زمن وجهز جيش ساعة صفينا = كشر وبين ماخفاله من انياب

شقول بس شاقول ماهو بيدينا = يالغالية يوم اصبح الوعد كذاب[/poem]

رد: وعد الزمن>> كذاب
 

الله الله

يا سلام عليك يا ابو مياس..نص راقي وكايف..

وصح السانك وعلا شأنك..

سعدت بكوني اول القراء لهذا النص الجزل.

دمت بخير ولا هنت يا اخ محمد

رد: وعد الزمن>> كذاب
 

أبومياس فعلا ً أمر إنكتب

صح لسانك الجزل لايأتي إلا بالجزايل

أبومياس

مودتي

أبوابراهيم,,,,,,,

رد: وعد الزمن>> كذاب
 

الاخ الكريم الشاعر / ابومياس
حضور شعري فاخر كالعاده
حضرت هنا :
لأنال شرف التوقيع تحت هذه الباسقه
صح لسانك وسلمت يمينك
دمت للإبداع والتألق
تقبل تحياتي واحترامي
أخوك / بن ماضي

رد: وعد الزمن>> كذاب
 

صح لسانك اخي الشاعر ابو مياس

لاهان راسك قصيدة راائعة


سلمت وسلم شعرك

دمت بخير

رد: وعد الزمن>> كذاب
 

الاخ الشاعر/ابو مياس

الله اكبر الله اكبر
صح لسانك واعتلى شانك
ولاهان راسك
الظاهر انك تعزف على اوتار حساسه
لكن الله يعين الصابريــــــــــــــن
دمت بخير حال

رد: وعد الزمن>> كذاب
 

مالك عن المكتوب
أبو مياس
قصيدة رائعه وجزله
كروعتك يالغالي
لله درك

تحياتي

رد: وعد الزمن>> كذاب
 

العزيز الغالي ابو مياس سلمه الله

نص راقي ومعاني متدفقه بالرقه والشاعريه لله درك


( دع الايام تفعل ماتشاء ....)

كأن هذا هو لسان حالك ...


وعزااااااااااه وامر انكتب .... وش في يدينا

الله يعين الصابرين


لله درك يابو مياس

والف مليووووووووووووووووووووووون الف مليوووووون صح السانك وعلا شانك


تحياتي
مع اسمى ايات الشكر فائق الاحترام واطيب المنى رعاك الاله

رد: وعد الزمن>> كذاب
 

صح لسانك وعلا شانك


حضور بقيمة ( راعيه)

والفراق أقوى بواعث الشعر

الشعر الذي قرأت هنا


لله درك

رد: وعد الزمن>> كذاب
 

الغالي أبومياس صح السانك ,,,,
قصيدة رائعة من شاعر مبدع وجزل ,,,,
لاهنت على هذا الجمال الراقي ,,,,
تحياتي وتقديري ,,,,