من صيد الشات
 

الاثنين 15 ذي القعده الموافق 7 اغسطس 2017

[poem=font=",6,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الطائر=
العرب كانوا عرب في ماضي فات=يوم الرجال رجال دين ومبادي
واليوم ما شوف الا عبيد الخواجات= وقطعان تركض يوم تسمع منادي
منيع=
لابد ماتفرج وتنحل أزمات=لوطالت الأيام وزاد السوادي
دنياك لوتقسي لها يوم دورات=لوشفت من جور وهموم ونكادي
الطائر=
من يوم ما جتنا قشور الحضارات=وحنا ندحدر بين جرف ووادي
حتى الفطاحل بعد كثر الزحامات= صارت تصوت وين داعي وطامي
يجونها لامن فضوا بعض الاوقات=بعد التواصل بتوتر باجتهادي
كلن يتوتر بتوتر الف كلمات= ويرتاح يوم ترد سلوى وهنادي
ومنيع مشغول ببعض القناوات=يدور على رقص البنات بركادي
منيع=
ان طعتني لاتفتح كثيرالسجلات=ريح ضميرك وخل العبادي
خلك مع البورصة ودش البنايات=قنوات بوهنود فيها المرادي
الطائر=
البورصه للي كنز للريالات= ماهي لفقير تخسره بازديادي
منيع=
فقير وتملك كثير العمارات=ماتحمد النعمة يامال النفادي
الطائر=
خابرك نشمي خل نمشي بزيارات=نشوف في مشهد بنات النجادي
اجمل بنات الكون بالكون آيات= ناخذ حلال ودربنا بالحيادي
منيع=
بنات غاندي تعجيك انت بالذات=خلك معاهن لايجيك الرقادي
الطائر=
تصير معي طعم يبوه البنيات=لانك وسيم وصقر وقت الهدادي
منيع=
يارجل مابك حيل خل الدعايات=شايب وعايب وطاح الشدادي
الطائر=
يكفي اكحل ناظري بعض ساعات=وانته كما الصياد تطلق زنادي
منيع=
لاتهذري مخبط ولافيك رجوات=اقصرهروجك كان عندك مبادي [/poem]

رد: من صيد الشات
 

صح الله السنتكم
ابداع مميز
لاهنتو

رد: من صيد الشات
 

هههههههه طيب ياعود

صح لسان كلن منكم

ومنيع ما قصر قام بالواجب

ابدعتوا ومافيكم حيله