منتديات الفطاحله - نجم & الطائر & السويلم

[b][poem=font=",5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
نجم الإبداع =
اشوف عبدالله وفي خاطره شي=وده يقوله لي وخايف من العود
نجم الإبداع =
لن كان عبدالله مع الناس يمشي=ودي يعلمنا عن اصحابه السود
عبدالله السويلم =
والله فلا في خاطري شئ ياخي =الحمد لله كلها اسهود ومهود
عبدالله السويلم =
انا اتقلب بين غدرانن وفي = مناب مثلك ياجعل راسك الدود
نجم الإبداع =
اخبرك في بعض المواقيف لك ضي=واحيان تخلف جرتك عن هل الجود
عبدالله السويلم =
مابين شقراء فالهوا الطلق ووشي = اسرح مع اطلوع الفجر ثمن اعود
نجم الإبداع =
لاتتبع اللي ماعدل لك بوصفي=شايب مهلهل مابقى فيه عنقود
عبدالله السويلم =
مهوب انا اللي اخلف الدرب ياصبي =منتب على ذا الهرج يالعود محدود
نجم الإبداع =
مانته ببالغ لو تعالى جبل طي=ولا انته بقادر تخرق الارض من زود
عبدالله السويلم =
الظاهر انك يانجم تاكل النيي =والعود مثلك ياكل اعظام وجلود
نجم الإبداع =
اعرفك لي مشهور يامطرب الحي=وكل ماحالك هوى جبت منقود
نجم الإبداع =
وانا ترى ماحسب لما جابه العي=لو يشهدون اليوم سعدي ومسعود
عبدالله السويلم =
الناس كبرت وانت يالعود فالغي = ماتدري انك فاخر العمر ملحود
عبدالله السويلم =
وش فيك ياذا العود تقبل وتقفي = منتاب موجودن والا نتاب مفقود
نجم الإبداع=
مانيب عود وشوفتي تسعد الحي=مثل القمر والعود لي دايم حسود
نجم الإبداع =
يغار مني كل ماجيت باحكي=خصوص لامن جن يناضرني الخود
عبدالله السويلم =
يارميت الرامي تعدي وعدي = تبا تصيد وصرت يانجم مصيود
الطائر المهاجر=
يالخال خل الله وريدك من المي=تخون يالخائن تعاليم وعهود
الطائر المهاجر=
وتكوي نسيبك من قوافيك بالكي=وتعاون الضبان في حرب وسهود
عبدالله السويلم=
من اللي خان اصويحبه عاد قلي = انت الذي خنتا وانا عندي اشهود
نجم الإبداع=
تقولها لي يالسويلم على اللي=وانا لويت العود والعود مقرود
نجم الإبداع=
لكن جبت علوم مابه لها زي=تقول بأن العود مامعه عبرود
الطائر المهاجر=
لاقال هاجمني فعن هجمتي عي=خله يولي بعكرته لين الاخدود
نجم الإبداع=
العود قلبه غالهوى ياولد ري=شباب وسنافي وماهوب مظهود
الطائر المهاجر=
اما انت ياضب التوى كنه اللي= ماشره عليك اعرفك رابي مع قرود
نجم الإبداع=
تعشقه ليلى العامريه معا مي=لولاه خاف الله لعود على المود
الطائر المهاجر=
الضب يقلب حصني يقضب الفي= لاشاف ذيبٍ مقبل كنه رعود
نجم الإبداع=
امدحك ياحنضل وتقلب معي خي=ياقرد ياللي دايم الدوم مفرود
عبدالله السويلم=
انا احمد الله شاربن ومتغدي = واضحك على حمدان واضحك على حمود
الطائر المهاجر=
الظاهر انك شارب فليت مصدي= وغديت مما بك تمقرص من نكود
نجم الإبداع=
تقبل بطيرانك مع الرايح الجي=من ضربتي له صار فالناس مفقود
الطائر المهاجر=
احولت عيونك فلا تدري الطي= ولاعاد تفرق بين سعدي ومسعود
عبدالله السويلم=
العود عود وادايم الدوم يسهي =يقوم ينقص فالمواجيب ويزود
نجم الإبداع=
اعرفك لو زدت العيارات تبكي=وتروح للحوطه ولك حمل مشدود
الطائر المهاجر=
الضب في عكرته سم على الحي= لكن ابحشرك لوالباب مسدود
نجم الإبداع=
ماتعرف الا الهرج والموقع السي=مافيك حيل وقلبك اليوم مقدود
الطائر المهاجر=
الرجل من خاله ولو زاد بشوي=فيك البلا ياخال مادام مصيود
عبدالله السويلم=
العلم جاك ان كانك اليوم تصغي = لو ان مثلك مايجي منه مردود[/poem][/b]