الزواج من جنسيات اخرى
 

[IMG]http://www.arab-x.com/uploads/Feb-06/66fab6c922.jpg[/IMG]

احببت ان اطرح هنا قضية الزواج من جنسيات اخرى :confused:

هل ممكن ان يكون الزواج من جنسيات اخرى افضل ؟؟ وهل انت مع أو ضد الزواج من الجنسيات الأخرى [IMG]http://www.arabiyat.com/forums/images/smilies/estefham.gif[/IMG]

وماهي أسباب الزواج من الأجانب ؟؟

خلصوا بناتنا يعني :rolleyes: ولا ماهم عاجبين شبابنا الي يتزوجون من الأجانب :eek:

او هناك اسباب منطقيه لهذا النوع من الزواج ;)

[SIZE="4"]حبيت اطرح هالموضوع ونتحاور في هذا القضيه ونشوف وجهه نظركم وشكرا للجمــــــــيع [/SIZE]


[COLOR="Pink"]تحياتي للجميع [/COLOR]:)

والله انك صادقه موضوع يجبأن نتحاور فيه

لما الواحد يتزوج من برا ليته يجيب وحده حلوه ,,,كل اللي ياخذون من برا حريمهم يجيبون المرض

شين + شعر ليفه + جسم يجيب الهم

واتوقع لو كل واحد يدور زين والله يلقى احسن منها مية مره

[quote]لما الواحد يتزوج من برا ليته يجيب وحده حلوه ,,,كل اللي ياخذون من برا حريمهم يجيبون المرض[/quote]
ماقلت لك ياشموخ أنك أمي سبحان الله نفس كلام ماما:)
======================================

أما الزواج من الأجنبيات فمن ولقع أني رجل وأجلس مع الرجال فسأفضح الرجال عندكم يالحريم :)

وجهات نظر الرجال وكل وجهة نظر وردي عليها :
1-المرأةالأجنبية أرخص مصاريف من السعودية ,,,,
ردي : والله أنهم ماعندهم ماعند جدتي لأن المصاريف بتكلفه أكثر مصاريف السفر الروحه والجيه وغيرها وغيرها

2-الأجنبيه تقدر الرجال وتعيش معه وين ماعاش,,,

ردي : الله وأكبر يعني السعودية ماتقدر الرجال ألا أن كان قصدكم أشياء أخرى فترى السعودية ماعاد هيب على خبركم تغيرت ,,,,وأما العيشة فالسعودية ضربت أروع الأمثلة في الصبر على الرجال وسترها عليه ووقفتها معه ,,,
3- الجمال البنات الأجنبيات جميلات ,,,

الي فيه خير مايخليه الطير الجمال مقياسه يختلف من شخص إلى شخص وأن كان من ناحية العلم والثقافة فأظن السعوديه سبقت وأن كان من ناحية الجسد فالسعودية ياعيني على السعوديه جمال يبهر وجسد متناسق والدليل الريجيم الي أصبح لدى بناتنا شبه مرض وأصبح أي مواطن سعودي يقدر يقول في بيتنا بنت تسوي ريجيم هذا إذا ماكانت البنت من خلقتها رشيقة وحتى الي ماهيب جميلة تلقاها تكمل هذا الجانب بجانب حلوو آخر وأعرف رجال أخذ بنت غاية في البشاعة دميمة جداً وأشتهر هذا عنها ألا سبحان الله الرجل حبها حب عظيم وسألته أنا بدلاختي المعهودة وبأسلوب نكتي بالله مبسوط قالي ذيب ماحلفتني قسم بالله أنها أغلى من أبوي وأمي عندي قلت ليش قال ترى موب كل شيء الشكل لكن فيها أشياء أخرى وهي كيت وكيت وكيت ويوم علمني قلت له ماتنلام :)

4-السعودية شايفه نفسها على أيش مدري لا ولا تحب أهل الرجل,,,
ردي : لا تنغرون بتجربة شخص واحد توهق في حرمة أخلاقها زفت ثم تعممون الحكم على كل السعوديات وبعدين كل واحد أهله عنده يشوف هل فيهن كبر هل فيهن ردى راح يقول لا فأقول له ترى المجتمع مثل كذا أو في الغالب مثل كذا ,,,, أما مسألة أهل الرجل فهذه المسألة تختلف من شخص إلى شخص ومن أمرأة إلى أمرأة ويحكمها أيضاً طبائع أهل الرجل فلا نستطيع أن نحكم حكم دقيق ومايجري في حق السعودية يجري في حق الأجنبية
========

شكراً لك أم فيصل على الطرح الجميل ,,,

وأنا حاولت أن أجيب الحجج الي قد سمعتها وفندتها ,,,

شكراً لك
تحياتي

الزواج من اجنبية اثره يكون تراكمي...

يعني في البداية يجي شخص و يتزوج اجنبية ثم نلقى عياله يتزوجون اجنبيات و يستمر الموضوع...

اما الاسباب فلخصها اخونا ذيب

[QUOTE=شموخ سدير]

لما الواحد يتزوج من برا ليته يجيب وحده حلوه ,,,كل اللي ياخذون من برا حريمهم يجيبون المرض

شين + شعر ليفه + جسم يجيب الهم [/QUOTE]

شموخ الرجاال ما يشوفون البنات من نظرتنا حنا يا الحريم...احياانن تلقين واحد ملك جمال ماخذ وحده مو حلوه
بس هي بعينه احلى البنات كلهم ..يعني ذوق الرجال ترا غير عن ذوقنا حنا يا البناات :p

والا لوو ان الدعوا عندنا ان الرجال هو الي يخطب من نفسه بدون ما يتدخلون الحريم ويدورون كان والله العنوسه الي ببلدنا قلت...لان للاسف كل ام او اخت اواو او من الحريم الي بيخطبون و الغالبيه منهم ..تبي للي بتخطب لها ملكة جماااال بكل المقاييس واخر شي ينظرون له السمعه او الاخلاق يعني الاساس عندهم المظهر ولازم يكون توب بكل التفااصيل :(

واتذكر على هالكلام سالفه قد قالتها وحده انهم تقدمو لوحده مدحوها لهم الناس ويوم راحو شافوها كان الرجال معاهم بس الحريم الي دخلو اول..فا شافوها الحريم وما عجبتهم طلعو بيركبون السياره فا قالهم الي بيخطب هاه بشروا عساها حلوه؟ قالو وعع حوله وشينه ووو....ما خلو شي ما سبوها فيه,,

قام هو قال قولو لهم ابي اشوفها انا...قامو استئذنو انه يشوفها وفعلا شافها

وقالهم الحين هذي حوله وشينه؟ حرااااام عليكم هذي ملكة جمااال :p :p :p

يعني حنا لو كل ام او بنت تركز على الاخلاق وعلى السمعه وبالاخير الشكل كان والله ما بقت بنت مااعرست

واما بالنسبه للموضوع هذا

انا من رائي اخوي ذيب السنافي بكل الي قاله

بس انا اتوقع بعد انه يمكن اغلبهم يكونون اتزوجوا عن قصة حب :rolleyes:

[quote]..تبي للي بتخطب لها ملكة جماااال بكل المقاييس واخر شي ينظرون له السمعه او الاخلاق يعني الاساس عندهم المظهر ولازم يكون توب بكل التفااصيل [/quote]
أخالفك الرأي هنا مو الكل يالريم بالعكس والله

أنا أرى من منظور عائلتي مثلاً فأجد أن أمي مثلاً أو أختي أوعمتي أول مايسألون عنه البنت راعية صلاة ثم البنت ستيرة ماهيب راعية عباة على الكتف وخرابيط ولا هيب حقت مصلوخ وعاري ثم يسألون هي البنت جيدة راعية بيت ولا عوبى وبس أما مسألة الجمال يقولون أن البنت لازم يشوفها الرجال وتموت وتبطي عظم يوصفون عندك بنت لو تطير وتوقع لأنهم يقولون حرام نفضح عورات الناس ألا إذا صملت وديناك وأدخل وشف :)
طبعاً كل هالكلام ماقالوه لي لأني إلى الآن ماخطبو لي أو زوجوني لكن يقولونه لعمي لخالي لما جو يتزوجون

وفي النهاية كما قالت أختي الريم المقياس يختلف فيه شخص يبي مرة حلووة وتبرق وزينه في الشكل مرة وهذا ترى في الغالب موب رجال لأنه يبي شيء يمتلكه يشخص به قدام الناس لكن الصاحي هو الي يدور البنت الي تكون عامود خيمة تشيل البيت وتشيل سره وقلبه وتحبه وتحرص عليه وبتلقى منه كل علم طيب وتكون بنت رجال صاحي وعاقل :)

أما مسألة الحب فالحب الي مايكون طاهر ولاهوب حق سوالف ولف ودوران فهو كذب فلابد للحب أن يكون حب نظيف ليس له قصد ألا القصد الشريف الواحد الي نهايته وحده:)

قال الرسول صلى الله عليه وسلم : ((لا يكره مؤمن مؤمنه إذا كره منها خلق أحب منها خلق آخر)) أو كما قال صلى الله عليه وسلم

عليه الصلاة والسلام

كلامك صحيح 100% و مشا الله تبارك الله الله يخليهم لك يا ربي وانا ما قلت كلهم انا قلت الغالبيه ,,لاني بصراحه
ما عمري سمعت بنت تبي تخطب لاخوها الا وهي تقول اخوي يبي ملكة جمال...وتسكت عندها ,,

الله يحفظك ويخليك لاهلك مشا الله تفكيرك تفكير انسان عاقل

انا ضد الزواج من الاجنبية وهذه الاسباب
1/تكثر العنوسه بين بناتنا
2/التقاليد والعادات تختلف
3/السفر لزيارة الاهل ومايترتب عليها من مصاريف
4/اختلاف البيئه
5/الاهل ((النسب)) لما ورد من الاحاديث في الاختيار
والكثير منها ممالايردني حاليا

شموخ سدير

يعطيك العافيه .. وفعلا لو الواحد يدور راح يلقى من بناتنا منهم احلى من الأجانب :)

:::::::::::::::::::::::::::::::::::::::::::::


ذيب السنافي

اشكرك على تفاعلك ومشاركتك الفعاله .. وكويس انك تحط وجهه نظرهم واسبابهم وترد عليها يعني انك مو معاهم
واشكرك على عقليتك وتفكيرك السليم بارك الله فيك


::::::::::::::::::::::::::::::::::::::::

القعقاع

اشكرك على مشاركتك في الموضوع يعطيك العافيه



تحياتي للجميع

حبيبتي الريم

صحيح معك حق الحين صار تركيزهم على الجمال اكثر من الأخلاق يركزون على الأخلاق بس صار أقــــل
وطبعا مو الكل فيه كثير يهتمون بلأخلاق .. واول ما يسألون عنه الأخلاق والتزامها بالحجاب والدين

شكرا لتفاعلك ومشاركتك الحلوه :)

:::::::::::::::::::::::::::::::::::::::::::::::::::::

اخوي منيع

اشكرك على مشاركتك الجميله وكل اسبابك مقنعه وواقعيه بارك الله فيك

واشكرك مره ثانيه على تفاعلك يعطيك العافيه



تحياتي للجمييييييييع :)