ترى الزوجات فيهن العجابا
 

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ترى الزوجات فيهن العجابا = فتأمل يافتى تلقى الجوابا
من الخبرات تلقى انواع شتى= ولاهو علم محصور بكتابا
ولا تعرف حديهن لين تنجب = وتشوف عيالها صاروا شبابا
فنوع لنفسها لو ام عشره= انانيه تبي منهم رتابا
ولو ترسل حديهم شان يسرق = ويعطيها ولو طاله عقابا
مثل هذي ترى يومٍ تخلّى = اذا من عجّزت والراس شابا
وحيده ما سأل عنها ولدها = وتصبح مطمع لذات النيابا
ونوع لزوجها لو كان عاطل = تبي تيسٍ وتصرف ما تهابا
تشرد ورعها ماهيب يمه = مع الخدام رعيه كالدوابا
مثل هذي فلا تجني حصيله= وتضرب كف في كفٍ خضابا
ونوعٍ مثل شمعه ف الليالي= على الورعان لو شافت عذابا
تراهم ملكها محدٍ يعاتب= ولا حتى ابوهم لو اصابا
ربوة حرمةٍ والكل ماشي= على منهاجها لو به عيابا
مثل هذي ترى في يوم تندم= فلا هي حاسبه يوم الخطابا
فلا زوج يبي ينظر اليها = ولا عيالٍ تربّوا للصعابا
مع الزوجات كلٍ في طريقه = وتنذف مثل نذفات الكلابا
ونوعٍ شجرة دوحه ظليله = لزوج وولد بحضور وغيابا
تقوم ببيتها لو كان تعمل = وتحشم زوجها هو والقرابا
تربي عيالها في طوع ابوهم=يلاقي فيهم البحر العبابا
اصيله حرةٍ ما قيل عنها = ذهب صافي ولا شابه ترابا
مثل هذي عليها الرجل يحرص= يعيش السعد ماشاف اكتئابا
ولكن كيف تعرف قبل تعرس= اذا ماانته بذيب من الذيابا
يبي لك ما تعجل في قرارك = وترقب بيت اهلها باحتسابا
تتبع امها وشلون تحيا = لتعرف نوعها دون اقترابا
وشف وشلون ابوها كيف عايش= وكيف اخوانها هم والصحابا
وكيف اخواتها كلٍ ببيته = قبل ما تشد في يوم الركابا
ترى فعل السبب للمرء واجب= ولا لك عن قضا ربك حجابا[/poem]

رد: ترى الزوجات انواع
 

هههههههه ياسلام عليك ياالطائر تفصيل دقيق حدا


وبحر ممتع



سلمت يالذيب وكل عام وانت بخير

رد: ترى الزوجات انواع
 

صباح امبارك

بالشعر الزين والحكمه والنصيحه

فالك طيب دكتورنا
وصح لسانك يا بعد كبدي

رد: ترى الزوجات انواع
 

ماشاء الله خبير يادكتور
وفي الحديث مامعناه اختارو لنطفكم ان العرق دساس
ودي وتقديري

رد: ترى الزوجات انواع
 

ياسلام وجهة نظر وتفصيل رائع

صح قلبك دكتور

ولاهنت

تقبل مروري

وتقديري

رد: ترى الزوجات انواع
 

صح لسانك يابعدي على على النصاح


تحياتي

رد: ترى الزوجات انواع
 

[font=arial][size=4][color=navy]صح لسانك يالعود على هاالتعريف الجميل[/color][/size][/font]
[font=arial][size=4][color=navy][/color][/size][/font]
[font=arial][size=4][color=navy]جزلة من شاعر حكيم وجزل[/color][/size][/font]
[font=arial][size=4][color=navy][/color][/size][/font]
[font=arial][size=4][color=navy]تحياتي لك[/color][/size][/font]

رد: ترى الزوجات انواع
 

خبرة ..ياعود
مدرسة حكمة وتهذيب
صح لسانك وقلبك
قصيدة فارهه ورائعه
لاهنت

رد: ترى الزوجات انواع
 

ولـكـن كـيـف تـعـرف قـبـل تـعـرس
اذا مـاانـتـه بــذيــب مــــن الـذيـابــا

الله الله هههههههههههههههههه

صح لسانك يا دكتور

قصيده تعتبر مرجع لكل مقدم على الزواج

من اليوم على حساب الدكتور بالمجان

تقبل مروري واحترامي

رد: ترى الزوجات انواع
 

صح لسانك يالخبير
ولاهنت

تحياتي