المدرسة الحلوب !!؟؟
 

حياكم الله


يقولون العالم يحتفل باليوم العالمي للمرأة وعن المرأة يحلو الحديث اما عن حقوق المرأة عندنا ياهي مدللة والكلام هنا كثير ولكن سوف اتطرق بالحديث عن المدرسة (( الحديث كثير عن رغبة بعض الرجال والشباب الزواج من مدرسة حتى دون النظر لشكلها او حتى عمرها وان الزواج منها واضح انه على طمع في راتبها حقيقة ما جعل قلمي يكتب هو الحديث دائما يدور عن الزوجة الحلوب اسف اقصد المدرسة . لو افترضنا تم الزواج .

بيخليها في البداية تعيش احلى ايام عمرها وبينسيها اسمها واهلها علشان اذا نست اهلها ما تصرف عليهم بعدين . المرحلة الي بعدها يشتكي من رئيسه في الدوام وعلاقته معاه مو طيبة ولا عطاه علاوة ولا ترقية وان نفسيته تعبانه ومحتاج يسافر يغير جو حتى يصل الي انها تتولى راتب السواق لانه يوصلها وشوي الشغالة وملابسها وبعدين تسديد فواتير الكهرباء طبعا عنده مبرر تسهر المدرسة على تصحيح كراسات الطالبات وبعدها الجوالات المهم لين يصفي الراتب .

المرحلة الي بعدها يحاول فيها تاخذ قرض من البنك والكفيل جاهز من عنده واختنا المدرسة تقول حاضر . اخرتها سوف تدخل في ديون مالها اخر ونفسيتها تصير زفت وتصير الحياة نكد في نكد .

طبعا صاحبنا تلقاه طول الفترة حوش وجمع وبعضهم طق له زوجه ثانية وبعدها بيقول لها (( باي باي ابله ))



ولو اني منك يارجل اخليها لاتحتاج العمل وتكون في البيت معززه مكرمة بدل ما اصبر على اكل البايت وطبخ الليل .

ما ذكرته حاصل للاسف من البعض هداهم الله من مدرسة ساذجة وزوج طماع .

واخيرا ( كل عام واليوم العالمي للمرأة بخير ))



تحياتي المغترب

رد على: المدرسة الحلوب !!؟؟
 

بعض الرجال المحتاجين لاضير من ذلك ولكن باصول
من شدة طمع الرجل براتب الزوجه الاغلبيه الان لايريدونها الا موظغه وبعدين يقول ماابي منها شئ تقوم في نفسها وكفايه
وبعضهم تصرف حتى على اهله ؛؛؛؛؛؛؛؛

انا من وجهة نظري فالرجل الذي ياخذ راتب زوجته ليس رجل من يرضى ان الزوجه تكون من يصرف عليه فليس رجل وين دوره ووين القوامه والرجوله؟؟؟ ام فقط كلام""هذه وجهة نظري انا ؟؟؟
اما اذا كان عن طيب خاطر منها كثر الله خيرها اما اذا كان يلوي ذراعها باخذ اولادها وحرمانها منهم اذا لم تعطيه الراتب بشيكه؟؟او حرمانها من الذهاب لعملها فهذا هو التسلط بعينه؟؟وليست رجوله انما استخدام حقوقه في غير محلها..فالرجل النفقة واجبة عليه حتى لو كانت الزوجة غنيه؟؟؟؟فالبعض سوف يقول مقابل خروجها من البيت تدفع؟؟اجرة السواق والشغاله ؟؟ومبلغ مقطوع للرجل بدل مايصرف تعطيه اجرته كزوج؛؛؛ والله المستعان
هناك قصص عن هذا الموضوع يشيب لها الراس ساسردهفمابالك بالزوجه التي تتعب في عملين البيت والمدرسه وفي نهاية المطاف ماتلقى الا التعب
قد يتوقع البعض ويقول اكيد الاصيله معانيه او زوجها ياخذ راتبها؛؛؛؛؛؛؛؛؛
لكن اقسم بالله في هذه الليالي الفضيله انه عمره ماسالني عنه او كيف تصرفينه لان زوجي ولله الحمد نادر وجوده في هذا الزمن بالعكس كان يتضايق من زوج احد قريباته عندما علم بمشاكلهم من اجل ا لراتب؛؛؛؛؛؛؛؛؛
الرجل يعمر من فلوس زوجته يكره انها تعطي اهلها انا اتكلم من واقع زميلات لهن ماسي بهذا الخصوص؛؛؛
تقول احدى الزميلات والله عمري من تزوجت مااعطيت والدتي ريال واحد
وجا يوم وقلتله ابي خمسميه ؛؛تقول رد والشرر يتطاير من عيونه ؟؟وشتبين فيها ؛؛قالت ابي اعطيها امي ماعمري اعطيتها شئ؛؛
قال امك مغنيها الله ماهي بحاجت فليساتك

الله واكبر الى هذه الدرجه وصل الاستغلال والطمع
لكن من هذا المنبر اللي ترضى ان زوجها ياخذ راتبها من البدايه غبيه للاسف؛؛؛تضع ضوابط وحدود
واكيد المرأة بطبعها عاطفيه لو رات ان زوجها بحاجه لفلوسها راح تبادر لااعطائه؛؛؛؛

تقول واحده والله زوجي مامثله مايجيب لي ساعات الا ماركات وووو ردت الثانيه وكم راتبك قالت تسعه وقالت وين تودينه قالت اعطيه زوجي ؛؛؛
اها وانا اقول وش الهدايا ذي من فلوسك حبيبتي ماله فضل
والله قصص عجيبه؛؛؛؛

اما الاخرى تقول ابو زوجي زوج ولده الاول واحده ماهي موظفه وباقي اولاده مدرسات ؛؛المهم بعد الزواج بشهرين الا زوجي يقول ابوي يبي من راتبك خمسة الاف ومن زوجة اخوي الثانيه مثل والثالثه كذلك ؟؟؟قالت ليه قال يبي يبنيلنا عماره كلنا قالت وانا وش دخلني قال زوجة فلان وفلاتن دفعوا وش زودك انتي قالت اعتبرني مثل زوجة اخيك الكبير


المهم مشاكل وروحه لاهلها وطقاق وصلت للطلاق بعدها وبعد محاولات عديد اعطتهم وكل يوم تقول مو برضاي الله لايبارك لهم فيه وعندما خلصت العماره وزعوها بالتساوي مع اخوهم الذي لم يدفع الا نصف راتبه واخوانه الثانين رواتبهم كامله وخمسه من راتب كل واحده ...وباقي راتب الزوجه تصرفه على البيت ؛؛؛

.

((تقول احدى المعلمات والله عمري من تزوجت مااعطيت والدتي ريال واحد
وجا يوم وقلتله ابي خمسميه ؛؛تقول رد والشرر يتطاير من عيونه ؟؟وشتبين فيها ؛؛قالت ابي اعطيها امي ماعمري اعطيتها شئ؛؛
قال امك مغنيها الله ماهي بحاجت فليساتك))

والله حزنت لحاااااااااااااااااالها ...

شكرا اخي المستشار المغترب موضوع هام وواقع ملموس
للاسف في مجتمعنا
دمت بخير

ا

رد على: المدرسة الحلوب !!؟؟
 

موضوع مهم من وجهة نظري ولو أني لسا طالبه بالجامعه ولاعندي خلفيه كبيره عن الموضوع
لكن اللي أشوفه أن الوالد الله يطول بعمره مايسأل أمي عن راتبها ولايقول لها
وينه ولاأصرفي منه ولاسددي فواتير ولاشي لوتقطه بالشارع ماسألها ليش؟
لأن مسؤولية البيت على الرجل المرأه مو ملزومه تصرف على البيت إذا صرفت من
طيب خاطر وبدون ضغط عليها فخير وبركه لكن الزوج ماله حق يجي ويطلب منها فلوس ولاتصرف
على شيء...................
حلو أن يكون هناك تعاون بين الزوج والزوجه في الحياه ولكن بدون التعدي على حقوق الغير
والزوج إذا أخذ راتب زوجته بدون رضاها يعتبر تعدي على حقوقها وكيف رح يبارك ربي براتبها
وهي مو راضيه أنه يأخذه أكيد مارح تكون في الفلوس بركه......
الزوجه المفروض ماتتهون بالشيء ألا ماتوصل لمرحله متأزمه ومشاكل مالها أول من تالي
يعني من البدايه تحاول ماتمكنه من راتبها وإذا شافت أنه تزوجها علشان راتبها ولابدأ
يتشكى من مديره وبدأ مايذهب للعمل المفروض عليها تحاول تجلس معه ويتناقشون في
الموضوع وإذا شافت مافي فائده أو مبرراته ماكنت مقنعه تدخل أحد من أهلها او أهله
لحل المشكله قبل ماتكبر.................

الزوج يأخذ الراتب يمكن شيء سمعناه كثير بس المصيبه إذا كان الأهل يأخذون الراتب
هذه قصه زميله لأمي في العمل البنت مسكينه قبل ماتتزوج كانوا أهلها يأخذون راتبها كله
غصب عنها ويعطونها كل شهر مائه ريال بحجه أنهم بيصرفون على البيت على مدارس أخوانها
وإيجار البيت يعني مائه ريال بالله أيش رح تسوي لها شهرياً بتسدد جوالها ولابتجيب لها أغراض
خاصه من ملابس الى أدوات تجميل ولابتجيب أغراضها التي تحتاجها كمدرسه من دفتر تحضير
الى وسائل علميه الى.....................الخ
البنت مسكينه مغلوبه على أمرها ومو قادره تواجه أهلها...............في يوم من الأيام جى شخص
لخطبتها طبعاً هي بدون تفكير وافقت عليه وكل همها تبي تطلع من بيت أهلها تمت الخطوبه
والملكه وجى الشاب بالمهر وأعطاه والده البنت لم طلع الشاب من عندهم رح أبوها لها وعطاها
مبلغ بسيط جداً من المهر والباقي أخذه هو المبلغ اللي أعطاها إياه مايجي نصف راتبها الشهري
البنت مسكينه رضت بالواقع وتزوجت جابت من زوجها ثلاثة أطفال وطلقها والأن عايشه
هي وأطفالها في شقه في سطح إحدى العمارات تدفع إيجار الشقه وتصرف على أطفالها
وتدفع راتب السائق وزوجها مايسأل عنها ولاعن أطفاله ولايصرف عليهم وهي رافضه ترجع تسكن
مع أهلها خوفاً من أنهم يرجعوا يأخذوا راتبها................................

والقصص كثيره في هذا المجال وهذا الموضوع بالتحديد
ولكن ندع المجال لغيرنا...................وآسفه على الإطاله

يعيطك ألف عافيه المغترب على الموضوع الحساس

مع التحيه

رد على: المدرسة الحلوب !!؟؟
 

صراحه كثير اسمع بان الزوج ياخذ راتب زوجته

والادهى من ذلك ان بطاقة الصراف تكون معه وبعضهم الراتب على طوووول بحسابه

بعض الرجال ماعنده عزة نفس وهم الاغلبيه

يعني الزوجه تتعب وتكرف واخر شي ماتفرح

قسم بالله سمعت عن وحده وده تاخذ اجاااااااازه استثنائيه يرفض زوجه يقول وش عندك تقعدين بالبيت

يعني لما يكون محتاج عاادي بس كذا طمع شي يقهر يعني المدرسه بالوقت هذا ترحم ديون وجمعيات

الله يعينهم


مشكور اخوي المغترب على الموضوع

رد على: المدرسة الحلوب !!؟؟
 

[COLOR="Purple"][SIZE="5"]موضوع مهم وخطير في نفس الوقت أخي المغترب


ونحن هنا لسنا بصدد كتابة قصص المعلمات المغلوبات على أمورهن

وإلا لأثقلنا الموقع بالكتابة والهموم
ويكفي أن نذهب لأقرب غرفة معلمات في أحد
المدارس ونسمع قصص يشيب لها الراس
لكن علينا مناقشة المبدأ نفسه وكيف تحول الرجال إلى أشباه رجال
وشوهو معاني هذا العقد المقدس من عندالله
والذي له حرمة عظيمة عند رب العالمين

لكن أنا من رأيي أن من قبلت بهذا الوضع منذ البداية تتحمل نتايج ما قبلت به

لأنها ما وصلت إلى أن تكون معلمة وحقل التعليم إلا وهي إمرأة ناضجة وواعية

ولكن هنا ك دور أخر قبل أن تبدأ هذه الطامة وهي أن يشترط الأهل على الزوج إنو راتبها لها كله مالك فيه ولا ريال حتى تتبين نوايا عريس الغفلة :cool: :rolleyes:
لو بدأ يمئمئ معناه إنه طمعان فالأفضل رفضه منذ البداية لأنه ولو حاولوا الأهل جاهدين إقناعه سيوافق
ومن ثم بيطفشها في عيشتها لأحد ماتعطيه ما يريد:o :( :(
وهنا يأتي دور الأهل لمتابعة البنت أو الزوجة حتى لا يعمل بطريقة أخرى وهي مثل ما قال أخي المغترب
يعيشها أحلى عيشة ويفر مخها ويخليها تعطيه كل الراتب

[COLOR="Red"][SIZE="6"]ملحوظة---------------[/SIZE][/COLOR]
ممكن أساعد زوجي لكن بشرط أن أكون أنا من يعرض عليه مو يشحذ مني أو يجبرني
وبعد آخذ عليه ورقة إثبات لأن الدنيا حياة وموت والله قال في كتابه الكريمأكتبه قليله وكثيره

أما ما يفعله هؤلاء أشباه الرجال شيء مقيت ولا يقبله شريف على نفسه
وماذا بقي له من الرجولة إذا كانت بتدفع كل شيء يخصها ويخصه بعد إذا ستكون هي القوامة عليه
وتنقلب الأية وما حاجتي بشبه رجل كهذا

أو مصدقين المثل اللي يقول(( ظل راجل ولاظل حيطة ؟؟!!!:confused:

لا والله إذا هذا الراجل الحيطة أرحم:cool: [/SIZE][/COLOR]

رد على: المدرسة الحلوب !!؟؟
 

حياكم الله واشكر مشاركة الجميع

انا مع الزوجه التي تساعد زوجها بطيب خاطر ولكن ما يحصل الان غير غير طمع وجشع

شكراً لما امتعتنا به
تحياتي

شكرا لك
على الجهد الطيب
تحياتي

لك الشكر
على ما فاض به قلمك
تحياتي

بارك الله فيك
كتبت فقرأت فاستفدنا
تحياتي واحترامي