منتديات الفطاحله - بحر الهوى...الزواج في العالم الآخر(بالصوت)

[rams]http://www.fatahilah.com/up/b7ralhwa.mp3[/rams]
[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
بحر الهوى يا ما غرق فيه غطّاس = مهما خبر به أو عرف للمقاييس
وأنا سبرته دون ما احتـاج لقياس = واثره عجاجٍ حاجبٍ للنواميس
ما عـاد قلبي يحرّكه هبّ نسناس = ولا عاد لي في الحب أصلي وتجنيس
باسباب من لا يفتهم طير قرنـاس = يحسبه يبحث عن عروض الطواويس
ارفـع مناحيها عن دروب الادناس= وامشي طريقٍ واضح بالتضاريس
يمكـن الاقـي حبّ للحبّ حسّاس = وأعيش انا ويّاه فوق المراميس
سافرت تال الليل في هجعة الناس= اطرد حلـومٍ تنتخي بالهواجيس
سـاقتني الاقـدار والفكر محتاس = لارضٍ غريبه ما لقتها القواميس
في واديٍ فيه الحصى لمعة الماس = خالي من السكان ماظنتي ديس
بانهـار عذبه والجداول والاغراس= والورد والريحان ماله غراريس
وحوريّةٍ تمشي على وقع الانفاس = معها وقع قلبي بصعب المتاريس
راحت بعيد وقمت اهيجن بلا احساس= واهمس ندم كنّي زعيم المفاليس
إلاّ وانا اسمع همس من دون همّاس = صوتٍ يناديني واحسبه وساويس
ياللي تجرّ الصوت لاباس.. لا باس = جرّه مادامه يعطي القلب تنفيس
يا مرحبا بك بيننا عـزّ الاجنـاس = في ارضنا ارض الفخر والنواميس
حنّـا حمـاة الدين من كل الانجاس = لا من ومرنا الله ربطنا الأباليس
آمر ..نحضّر كل حصني ونسناس = ما تعرف إنّا من جلب عرش بلقيس
انت بضيـافتنا على العين والراس = تسكن بنجدٍ او تفضل لْباريس
وهـذا القـلم خبّه بجيبك عن الناس = يخفيك عن عين البشر والمناجيس
واثناء كلامه جـابت البنت لي كاس = شراب خالي من كحول وبرابيس
قـالت تفضّل".. قلت يا عذب الانفاس = ليش القلم ما اخفى العيون النواعيس
احمـرّ ورد الخـدّ فالـورد حسّاس = واقفت كما المهره على الأرض تلميس
زاغ العقـل والفكر بالفين هوجاس = وكنّ الذي جنبي فهم للأحاسيس
في سلمنـا مسموح للبنت بلبـاس = يظهر محاسنها على غير تدليس
من شـافتك عدّت ومرّتك بالساس = كنّك عجبت البنت .. يا حبّها قيس
ان كـان حبّيت البنيّـه فـلا باس = الحبّ مشروعٍ ولكن بتأسيس
جرّب ثلاث شهور من غير ادناس = وانتَ تجرّب صقر ولا من العيس
ولا من توافقتوا على العين والراس = نعلن فرحكم بالشريعه معاريس
ماهوب مثل الناس كذبٍ على الناس= وتمثيل ادوارٍ وعزف ومراويس
واللي ضحيّه بالنـدم دوم يحتاس = يقضي بقايا العمر حزن وهواجيس
واصحى ولا المذن على شارع انكاس = يعلن صلاة الفجر لاهل الكوابيس[/poem]