منتديات الفطاحله - (( المجوٍس الأردمانيّين )) صوتيّه !!

منتديات الفطاحله (http://www.ftahilah.com/index.php)

- همس القوافي للشعر النبطي (http://www.ftahilah.com/forumdisplay.php?f=10)

- - (( المجوٍس الأردمانيّين )) صوتيّه !! (http://www.ftahilah.com/showthread.php?t=18411)

(( المجوٍس الأردمانيّين )) صوتيّه !!

[align=center][color=#0000FF]بسم الله وحدهـ[/color]
عودهـ / بقصيدهـ أسندتهاا للشاعر / لفى الهفتاء ،،
حول قضيّه نعرفها جميعا ً ،،
و لكن لكمـ الرأي دامهاا هنا .
[color=#0000FF].
.
.
.
.[/color]
[rams]http://www.alsh3r.com/files/3bdAlr7mn_al3mry/(21).ram[/rams][/align]
[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ليلة ٍ بين الخسوف و حلم قلبي و السراج = من عناي أذنت فيها للجهاد بلا سروج
بانت النيّه عسى ربّي يعجّل بالخراج = نصر دين و ردّ دين المهتدين من العلوج
يا لفى صوتك علاج اللي يدوّر للعلاج = و اشهد انّ الشعر بحر ٍ لا تيمّمتَه يموج
هاج بين الحاجبين بْلا جبين البحر هاج = يلفظ المعنى معتّق للملا قبل الخروج
في تواريخ ( المجوس الأردمانيّين ) داج = يرجع ابهم للعصور المظلمه و امّ الرجوج
حالهم فيها خماج ٍ ما يوصّف بالخماج = مَ التقى وصفه بْذكر المصطفى بين الهروج
لين جاهم دين حقّ ٍ يلبسونه تاج تاج = سنةّ ٍ من يتّبعها لو يدوّج ما يدوج
ثمّ عاشوا في نعيم و في كرامه و ابتهاج = ما شكوا ضيم الزمان و لا تعسّاف النهوج
لكن اللي ما تعوّد يرتوي غير الأجاج = مَ استساغ العذب يوم ٍ يجرعه و العوج عوج
قام فيهم من دعاة الكفر معقود الحجاج = له تحَت جنح الفسوق و معصية ربّه دُلُوج
و انتهوا للعهد الاوّل بين حجه و احتجاج = عزّة ٍ سمطا بغير الله تواليها نُعُوج !!
شف خسايرهم توالى كنها تلقى رواج = كلها لنّا نزلنا من عليّات البروج
و الله انّ اكرمهم اردى من موسّمْة النعاج = يوم يشري بالسنام المحولَه بغل ٍ خلوج !!
ما دروا بنّ الرسول المصطفى سمح النهاج = عند ربّه خير من ذريّة آدم فوج فوج
سبّوا الهادي عليهم من غضب ربّي فجاج = ما تعدّوا منه فجّ الا تلقّتهم فجوج
( لو ) تعبت آقول لوّ / ادري بنا مثل الدجاج = و الله انّ آخير من بعض العرب سِرب اللحوج !!
ترفع السيف اليمين و تحضن اليسرى ( رِتاج ) = لين نرجع و النحور مخضّبه ( حِنّى و روج )
نشتري بالعزّ عجز و مكسب العين احتياج = مكسب ٍ قاد الفلس لوجيهنا قبل الدروج
لكن البلوى بْ خيره و المصايب لانفراج = قالها من سابق عًصور البشر حتى الزنوج !!
قالته ريحانه اللي وصّفوها بالغناج =( درّهي مدريهتي ثمّ ٍ تلقّي للحجوج )
ما ترجّى عتقها لا في ركود و لا هياج =تدري انّا لا بغت زوج ٍ لها نبتاع زوج !!
صاج من تحت القبس و الاّ على النيران صاج = حرّها واحد و لا يشقى بها غير الثلوج
يا لفى ماهيب حدّ السيف و الا باللّجاج =من يحبّ المصطفى يتبِع وُلوجه بالولوج
حجة ٍ بيضا سنا مصباحها خلف الزجاج = مَ انطفى و الله مُتمٌّ نوره لْيوم الخروج !!
لكن اشغلنا عن السنّه كما صوت الحراج = كلّ يوم ٍ للفنا طبخه و للطبخه نضوج
جابها و الله عليم اهل الأناقه و المساج = منهم اللي لا نسب نفسه تلعثم في غنوج !!
حِلّهاا .. وااشيب عيني من خفايا الاندماج = ما عد الاّ خطوتين و لا نصدّق بالعروج !!
يا لفى مالي مع بعض البشر كيف وْ مزاج = لكن اسلى عن سوالفهم ب (عمَّ و البروج )
و الصبر نصّ المذلّه و القهر ماله علاج = ( لو دَرت مدريهتي ما تلقّت للحجوج ) [/poem]

[color=#0000FF]و سلامتكمـ
* المجوس الأردمانيّين / الدنمارك .. قديما ً
الرجوج / طبل حرب
ريحانه / ( قينه ) كانت لنا قديما ً هرب من سواها و تحرّروا و لكنها بقيت في غياب جدّي إلى أن عاد !!
المدريهه / المُرجيحه حسب ما كانت تُسمى قديما ً .. في الديرهـ .[/color]