الرجل لا من اجتهد مع عياله
 

[poem=font=",6,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الرجل لا من اجتهد مع عياله=في تربيه وتعليم مع حسن توجيه
ما يضمن ان البعض يطلع حثاله= يشوف منه افعال تخيب هقاويه
ولوهو تفكر بالأمر في عجاله = يلقى السبب من وقت بانت بلاويه
خرج لنا اجيال تحب النذاله= وتهوى التبطح والمطبل تخاويه
كبر الجسوم وعقلها كالنخاله = واكل المطاعم اكلها ما تخليه
لو وصل للخمسين لازال عاله=على الأهل كالطفل همه شهاويه
وانما حصل له ما يبي عن جهاله= قلب على اهله عدهم من اعاديه
واللا يجيهم بالمكر واحتياله= مديون والديّان ماهو مصافيه
انما يسدد فالسجن من مآله = وبالنصب ياخذ مايخطط ويبغيه
ويدير ظهره بعدها في سهاله=ولا هوب ناشد عن عجوزه ولا ابيه
هذي صور من مجتمع بان حاله= بعصر الحضاره مادرى عن مباديه
حضارةٍ استوردت للزباله = مما يعاني الغرب لوهو بتعليه
حضارة الدولار باقذر وباله = قضت على الانسان باجمل معانيه[/poem]

رد: الرجل لا من اجتهد مع عياله
 

جزل ومبدع وحكيم
وماعشت اراك الدهر عجبا
شكرا لك
تحياتي

رد: الرجل لا من اجتهد مع عياله
 

صح لسانك يابو عبدالله

نص رائع مبنى ومعنى وهدف وهذي عاداتك

لا هنت لا هنت

رد: الرجل لا من اجتهد مع عياله
 

هذي صـور مـن مجتمـع بـان حالـه = بعصر الحضاره مادرى عن مباديه

الله يصلح الحال ان شالله

صح لسانك وطاب حالك
قصيده هادفه

ولاهنت

رد: الرجل لا من اجتهد مع عياله
 

صح السانك
رائعة وهادفه
لاهنت دكتور

رد: الرجل لا من اجتهد مع عياله
 

[font="comic sans ms"][size="4"][color="navy"]صح السانك ملايين
لاهنت
جزلة من جزل لافض فوك
تقديري واحترامي [/color][/size][/font]

رد: الرجل لا من اجتهد مع عياله
 

شكرا منيع
على كريم المتابعه
لاهنت
تحياتي

رد: الرجل لا من اجتهد مع عياله
 

صح السانكـ واعتلى شانكـ
ودامت الجزالة