منتديات الفطاحله - هنيك بمهنتك يازين الاوصافي

منتديات الفطاحله (http://www.ftahilah.com/index.php)

- همس القوافي للشعر النبطي (http://www.ftahilah.com/forumdisplay.php?f=10)

- - هنيك بمهنتك يازين الاوصافي (http://www.ftahilah.com/showthread.php?t=172152)

هنيك بمهنتك يازين الاوصافي

اقدم لكم هذه القصيدة التي تعبر عن نفسها وارجو ان تحوز على رضاكم .

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
سلام ياللي رعيتها تباريها=هنيك بمهنتك يازين الاوصافي
احسد رعيتك على مثلك واهنيها=انا اشهد ان وقفتك في جنبها كافي
تتبع لصوتك وقولة حي تكفيها=لانها وفيه معك وانته لها وافي
ذكرتني في سنين كنت ناسيها=دقت هجوس الخفوق وبيح الخافي
ذكرتني بالبداوه يوم انا فيها=الارض تحتي فراش والسما لحافي
وذكرتني بيوت في الصحرى مبانيها=من الشعر صنعها بهدوم ورفافي
وذكرتني يوم بالوقده ندفيها=وابوابها مشرعه للي يجي لافي
فخر البداوه ونعشقها ونغليها=هي الذرى والدفى مشتى ومصيافي
وذكرتني بالغنم يوم كنت راعيها=ارفع لها الصوت وهي قدمي وبخلافي
اسرح بها الصبح والمغرب اضويها=اتبع بها العشب بين الروض ودفافي
اتبع هواها وللقفره اوديها=اركض وراها سعيدا والقدم حافي
وهمومنا يوم نبعدها وندنيها=في يومنا اللي نعيشه والله الكافي
حتى لوازم عربنا يوم نقضيها=بالكاش ماهي على فيزه وصرافي
واليوم دنيا كفانا الله بلاويها=كل يوم تعرض لنا من همها اصنافي
وايامنا اللي مضت ياحلو ماضيها=ذكرى جميله تمر احلام واطيافي[/poem]