منتديات الفطاحله - انالابغيت اسلى عن العشق

منتديات الفطاحله (http://www.ftahilah.com/index.php)

- همس القوافي للشعر النبطي (http://www.ftahilah.com/forumdisplay.php?f=10)

- - انالابغيت اسلى عن العشق (http://www.ftahilah.com/showthread.php?t=15725)

انالابغيت اسلى عن العشق

[RAMS]http://up.ftahilah.com/up/uploads/Mine/AnaLabghait.rm [/RAMS]

[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
انا لا بغيت اسلى عن العشق والهوى = يفزّ الخفوق اليا لقى الريم شرّدي
خلق منهن الرحمن فتنه لمن غوى = إذا سلهمن بالطرف سهمٍ مسدّدي
يطارد وراهن لو على القلب انكوى= حتى ولو شايب كفيفٍ ومقعدي
وحتى بعد موته وبعثه فلا انزوى= يبي الحور نفسه دايمٍ في التعدّدي
وانا من عباد الله مخلوق ما ارتوى= ابي جرعةٍ تطفي العطش قبل ما ردي
فلا نيب جايز دام هالعود ما ذوى= ولو قاله الله في نعيمه لي طردي
عرفت الهوى والعشق في ماضي انطوى= ولكن معاها ابتدا يوم مولدي
شمالية فيها الحيا غصنه التوى= جنوبية الخدين وردٍ منضّدي
دمشقيّة الاطراف كالنجم لا ضوى= ونجديّةٍ في ثغرها يسجد الجدي
حجازيّة الأرداف والشعر لاانثوى = حريرٍ تناثر فوق صرحٍ ممردي
عراقية الإقدام ، قدّامها هوى = اراذيل بوشٍ من عميل ومجنّدي
فلسطين ربّتها على الصدق بالنوى= وحصاد الأعادي من يهودٍ وحقّدي
بشريانها دمٍّ نقيٍّ ولا احتوى = بنبضه بقايا من خشاشٍٍ ووافدي
اذا فوق عرشه خالق الكون استوى= على عرش قلبي استوت في تفردي
كبرنا على حبٍّ جمعنا بلا غوى= ورسمنا املنا لكن الوقت سرمدي
زرعنا من الأوحلام ما طار بالهوا = وغديت الضحيّه والشماته لحسّدي
تباعد بنا وقتٍ على قلبي اقتوى = وانا احسب حبيبي يوم يوفي بموعدي
احسبه مثل قلبي من البعد انشوى= واثاريه سالي ما درى عن تنكّدي
نستني مع الأيام ملعونة الثوى = ولا فكّرت في امسي ولا اليوم او غدي
سنينٍ العمر ولّت وانا قلبي اجتوى= ولا عاد يهنا لي شرابي ومقعدي
انا بعدها طفلٍ حزينٍ ولا قوى = مع الوقت ينساها فلا القلب في يدي
يتيمٍ وتاه بليل في طيفها التوى = ينادي ولكن ممعنه بالتصددي
يبي لو تردّ الصوت في ردها الدوى= ولكن صدى صوته رجع دون تنشدي
مضت مثل حلم تالي الليل لا ضوى = ينكد عليّ النوم ما اهنا بمرقدي
يقولون سلم الحب كلٍ وما اهتوى= واقول الزمن ساس البلى بالتجددي
يغيّر ضعيف النفس بالجاه والغوى= ومن لازم المبدأ يعيش التنكّدي
فمهما سلت عنّي ولو قلبي انكوى = يجي يوم تذكرني إذا غاب فرقدي[/poem]