من العصيده لمقااام الدكتووور
 

[font="arial black"][size="5"][color="blue"][align=center]ارجو ان تنااال اعجابكم[/align][/color][/size][/font]


[poem=font=",6,darkblue,bold,normal" bkcolor="white" bkimage="" border="groove,7,darkblue" type=1 line=0 align=center use=ex num="0,black""]
يسعد مسا الدكتور عثمان بالخير = اللي تخيلني ميااقع عصيده
والثغره اللي قالها شيخنا الطير = اظنها ماهي بفكره جديده
لكن عليه الله في طلته غير = راعي العلوم الغانمه والمجيده
له بالمواقف راي يدعمه تصوير = ومنه استفدنا في نواحي عديده
عندي له بقلبي معزه وتقدير = وبشوفته كل الخواطر سعيده
نسيت انا بالنت كل المشاوير = غير الفطاحل جعل ربي يزيده
في صحبة الدكتور شفنا التباشير = في شيلته وبغزوته والقصيده
قصيد ماقاله ولا سالم الزير = حروف عذبه والمعاني فريده
حنا سعدنا في وجودك على خير = مشكور جعل ايام عمرك مديده
احلى اماسي الخير خذها بتقرير = مختوم في بصمة سجون العصيده[/poem]

رد: من العصيده لمقااام الدكتووور
 

[color="darkorchid"][size="5"]الله الله عليك يا شجووووون
ابداع

صح لسانك وحرفك

صعووووووووووب[/size][/color]

رد: من العصيده لمقااام الدكتووور
 

[font="comic sans ms"][size="6"][color="darkorchid"]صح لسانك مليون شجون
وسلم فكرك وبناك
ولي رجعة تليق بها
تحياتي[/color][/size][/font]

رد: من العصيده لمقااام الدكتووور
 

[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يسعدك يابنت الرجال المناعير= ربٍ عليم الحال والنفس بيده
يابنت خوفي من صديٍ المناشير= اما انا مسكين حالي زهيده
ماصار غير الضحك من غير تدبير= واللي فعلها سامعين تهديده
في بيت اسره تعتلي المجد وتسير=الكل فيها بين بنت ووليده
اركان قصر من دخل فيه ما يحير = اخوان واخوات على مايريده
للجد ساعه وللمزح مثلها ندير= وبيتٍ بليا مزح ينهار حيده[/poem]

صح لسانك
ولاهان راسك
مع أطيب تحياتي

رد: من العصيده لمقااام الدكتووور
 

[font="arial black"][size="5"][color="blue"]ههههههههههههههههه

صح لسانك ابو عبدالله راااائع دائما

قمة الرووووعه

لا خلا ولا عدم

في انتظار رد المتهمين ههههههههههههه[/color][/size][/font]

رد: من العصيده لمقااام الدكتووور
 

ياسلام ..... عليكم
إبدااع وإمتاااع .. لله درّكم

رد: من العصيده لمقااام الدكتووور
 

[poem=font=",6,firebrick,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الحمد للي في يديه المقادير=الي على المكتوب سيّر عبيده
النقض عقب الفتل ماهو مشاوير=من ينقص المكيال ماطال صيده
لا والله الا جبتها بالمعايير= تحوم فوقك والليالي لبيده
الصاحب الي لا لفته المحاذير=يروغ قلبه والخوى في رصيده
ليتك منعت الغزو قبل المعاذير =واكفيتنا شر العلوم المكيده
لاتتهمنا وانت معروف بالسير=ترمي وتبكي يوم جو لك بريده
جتك العلوم وجاتك ام البواكير=مخلابها من صلب فاخر حديده
جاتك على الطائر سواة المعاصير=رمت وصابت والرمايه وكيده
شجون قالتها وماهو من الضير=والظاهر ان الوضع مامنه فيده
ودامك ذكرت اسمي فمالي من اشير=الا الحروف وهل لها من مزيده
[/poem]

رد: من العصيده لمقااام الدكتووور
 

[font="arial black"][size="5"][color="blue"]هههههههههههههههههههه

الله عليك استاذ نجم

راااائع لا فض فوووك

صح لساااانك مليااارات

تحياااتي[/color][/size][/font]

رد: من العصيده لمقااام الدكتووور
 

[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
النفي للأثبات اثبات للغير= وما قلت غير الحق كانك تريده
وكانك ولا تدري فلا فيه تخيير= العلم واكد للعقول الرشيده
فتش تلاقي السر في قاعة البير= ولا ني مصرح او اكرر واعيده
نايم على اوذانك ونسمع لك شخير= والقوم تلعب في حدود البديده[/poem]

رد: من العصيده لمقااام الدكتووور
 

هههههههههههههههه

الله يخارجنا

صحت الالسن لاهنتم

<<<< مخارج نفسه ههههههههههه