|
كيف شفت مباراة المنتخب ؟؟؟؟
السلام عليكم
بدخل في الموضوع دغري بصراحه المنتخب لعب مباره حلوه خصوصاً الشوط الثاني وإنتقال المدرب من تكتيك لأخر بمجرد تبديل الاعبين كان يعتمد على مهاجم واحد وفي نهاية المباراه كان هناك 3 مهاجمين من وجهة نظري ( سعود كريري المفروض ما يلعب ) يتوقع إنه بيحترف إذا كان يسحب ويحتفظ بالكوره كثير محمد نور أستلامه للكره خطاء ( ما يمتص الكوره إذا أستلمها ) عزيز + الغامدي لم يكونوا في مستواهم الحقيقي تكر والمنتشري ( غلطات دفاعيه بالجمله ) الدوخي كاسر مصيدة التسلل والسبب الرئيسي في الهدف الثاني أعتقد أفضل من لعب في المباراه كان ياسر القحطاني ومحمد نور والنجم القادم بقوه ( مالك معاذ ) أما لاعب الخبره بمعنى الكلمه سامي الجابر فـ يكفي وجوده في الملعب حتى لو لم يلمس الكره فتكفي توجيهاته داخل الملعب ----------------- بشكل عام المنتخب يبشر بخير وإن شاء الله يتأهل لدور الـ 16 كماند |
مشكور عزيزي على طرحك للموضوع
بس اللي شفته اليوم ان نواف هو اللي ماكان بمستواه وهو اللي يبغى الاحتراف وياسر مااتوقع انه افضل واحد لعب فب المبارة لانه ما لمس كورة حقيقيه الا اللي سجل منها الهدف ونور ضيع الثلاث نقاط بلعبة غبيه المستوى جيد لو نترك المجامالات ونلاعب الاحتياطين أساسيين مثل مالك وامين والحارثي << اللي معهم مجرد اسم مالعب له 4 مباريات لا وديه ولا اساسيه |
انا اللي شفته ان القناة موشوشه وبسع نسمع التعليق
مو مثلكم ياشباب ياحضكم طالعين في المقاهي والنوادي ويا بعض |
المفروض الموضوع لشباب بس بما اني شفتها بشارك :)
والله المباراة كانت حلوووه مرره والى لحظات الأخيره وانا فرحانه واقول فزنا لكن للأسف هدفهم جاء في اخر دقايق وحطم الفرحه :( اللي فعلا خطير سامي من يوم دخل جاب الهدف ولا هدف ياسر ما كان مررتب صح بس حلووو والله المنتخب ما قصر كان مسيطر وهجماته كثيره بس قهر هدف التعادل :( تحياتي للجمييييع :) |
هلا أخوي صقر
[quote]المستوى جيد لو نترك المجامالات ونلاعب الاحتياطين أساسيين مثل مالك وامين والحارثي << اللي معهم مجرد اسم مالعب له 4 مباريات لا وديه ولا اساسيه[/quote] ما تلاحظ شيء في الإقتباس ؟؟ كل إلي ذكرتهم أول مره يلعبون في خانه واحده ( تقريباً ) وأنا أعتقد بأن سامي له وزنه في قيادة المنتخب إذاً على حساب من يلعب ( الحارثي ) ؟؟ أعتقد إن الخلل في المنتخب ليس الهجوم أو الوسط الخلل في الدفاع وأنا أخوك [quote]ان نواف هو اللي ماكان بمستواه وهو اللي يبغى الاحتراف[/quote] كل الاعبين يبغون يحترفون مو نواف بس وإذا تحب نكون صادقين مع أنفسنا ترى نواف وسعود كريري ( نفس الشيء ) على العموم لاعبين المنتخب ما قصروا بس لازالت المشكله في الدفاع فيه واحد يقول إن تكر ما يعرف يلعب إلا إذا قص واحد ودخل الإسعاف الملعب طبعاُ هو ما يقدر لأن الدعوه موب الدوري السعودي ماخذ راحت المهم قرر يقص مبروك عشان يقدر يلعب ومرتاح نفسياً تحياتي لك أخوي صقر وصدقني لو الدعوه مجامله كان الهلاليين بيقولون ليه ما لعب ساني أسامي هو والدعيع والخثران والنصراويين بيقولون الحارثي يعني محد راح يسلم هذا سامي الكل قلل من قيمته وأستغرب إنضمامه للمتخب وعارضه !! ومع هذا قدم مستويات جيده حسين عبد الغني كان رائع مع تونس مع العلم بأنه كان مبعد من المنتخب على العموم الوعد في المباراه القادمه يوم الاثنين بإذن الله تحياتي لك أخوي صقر أخوك كماند |
[COLOR="RoyalBlue"]اول شي مبروك للفريقين
بعدين مشكلتنا في المونديال متوسط قلب الدفاع وبصراحه اذا بيلعب بنفس اللعيبة المباراة القادمه اعتقد اقرب مالها تعادل احس ان باكيتا بالغ في انه حط ثلاثه لعيبة محور بس مشكلتنا مع التعادل والفرحة ما انتبهنا للاخطاء القاتل والحمدلله انها انتهت بالعادل في المباراة القادمه الحراسة الدعيع متوسط قلب الدفاع البيشي والمنتشري يسار حسين عبد الغني يمين الدوخي الوسط محمد نور الشلهوب محمد امين وخلفهم عزيز في المقدمة ياسر مالك معاذ[/COLOR] |
[QUOTE=شموخ سدير]انا اللي شفته ان القناة موشوشه وبسع نسمع التعليق
مو مثلكم ياشباب ياحضكم طالعين في المقاهي والنوادي ويا بعض[/QUOTE] [COLOR="RoyalBlue"] بعد اذن الاخ كماند ياشموخ لانروح مقاهي ولا استراحات ولاشي في البيت والحمدلله سكان مدينة الجبيل الصناعية الوحيدين في السعودية اللى يشوفون جميع المبارايات مجاناً مو بس مباريات المنتخب لا اشتراك ولا هم يحزنون:)[/COLOR] |
هلا أختي شموخ سدير
[quote]انا اللي شفته ان القناة موشوشه وبسع نسمع التعليق مو مثلكم ياشباب ياحضكم طالعين في المقاهي والنوادي ويا بعض[/quote] عاد ناقلينها على القناه الرياضيه الأرضيه يعني لو إنك عافطه توكه ( إلي تنحط في الشعر ) مدخلتها في التلفزيون من ورى ( مكان الأريل ) كان جتكم الصوره قزازه أما إحنا يا الشباب والله إنك صادقه بس أبشرك الحمد لله أشترينا كرت القناه بـ 500 ريال من واحد مطلع رقم مبايلي ومو محتاج الكرت :) تحياتي لك أخوك كماند |
هلا أختي أم فيصل
بالفعل هدف التعادل يقهر بس حلو إنها جت تعادل لأنها تعني تساوي فرص التأهل بين السعوديه وتونس والكره في ملعب المنتخبين يعني لازم واحد من المنتخبين يتأهل لدور الـ 16 تحياتي لك وإحترامي أختي أم فيصل أخوك كماند |
هلا أخوي غريب الآه
بصراحه تشكيلتك حلوه بس من الاعب إلي يصنع اللعب ؟؟ بعدين ترى باكيتا من يومه في الهلال وهو يلعب بمهاجم واحد وإلي أعرفه إن محمد أمين مهاجم بس في المنتخب أشوفه جناح !! [quote]بالغ في انه حط ثلاثه لعيبة محور[/quote] يقالك عشان يرمم الدفاع ويغطي الثغرات بس ما فاد مالك معاذ أتوقع يحترف برا مدري ليه 00000000000000000000 ردك الثاني [quote]بعد اذن الاخ كماند ياشموخ لانروح مقاهي ولا استراحات ولاشي في البيت والحمدلله سكان مدينة الجبيل الصناعية الوحيدين في السعودية اللى يشوفون جميع المبارايات مجاناً مو بس مباريات المنتخب لا اشتراك ولا هم يحزنون[/quote] مسموح وأنا أخوك :) وبعدين ممكن ما تقهرنا مره ثانيه ؟؟ نت ببلاش وكأس العالم بعد !!! لالا شكلك تبينا نسكن عندكم غصب ههههههههههههههههههههه تحياتي لك أخوي غريب الآه وإحترامي أخوك كماند |
| الساعة الآن 02:02 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة