ثالث العيد جيت لديرتي والجدود
 

[rams]http://www.fatahilah.com/up/3a3al3eed.mp3[/rams]
[poem=font="Simplified Arabic,6,purple,bold,normal" bkcolor="transparent" bkimage="" border="groove,4," type=2 line=0 align=center use=ex num="0,black"]
ثالث العيد جيت لديرتي والجدود = بعد عمرٍ قضيته مبعدٍ بي زماني
بين نجد العذيّه والاّ خلف الحدود= طائرٍ ما استقر ولا ركد في وماني
يوم قبّلت هاجت ذكرياتي تجود= انشد دموع عيني تستجيب المحاني
ما بقى غير آثارٍ تناجي اللحود = فالشوارع كئيبه من حطام المباني
ومن بقى حيّ أبعد راضيٍ بالصدود= راح عنها ولو هو شافها باندفاني
غير ربعٍ نشاما للحريّق جنود = فعلهم بان في جهدٍ كسب للرهاني
جمّعونا بحفلٍ احتشد بالحشود = فوق الف وزياده لين ضاق المكاني
من رجال الحريّق من وفوا بالعهود= تحت سقف التآخي في جميل المعاني
شفت ربع الطفوله والرجال العدود= شفت شئ اراح النفس واطلق لساني
الحريّق لها رجالٍ تشيل البنود = يوم يدعون كلٍ في سباقه حصاني
بين تاجر بماله لو قليلٍ يجود= وبين مسؤول واصل مدركٍ وش تعاني
تنتهض يوم داري بعد طول الرقود= تلحق الركب تاصل للحلم والأماني[/poem]

رد: ثالث العيد جيت لديرتي والجدود
 

جزلة وقوية

سلمت

وصح لساااانك

رد: ثالث العيد جيت لديرتي والجدود
 

ااااااااااااااالله وصف رائع
يعطيك العاففيه على القصيده بقمه الروعه
لا هنت يالطير..لى عوده

رد: ثالث العيد جيت لديرتي والجدود
 

صح لسانك وعلا شانك شاعرنا
تسلم لاهنت
شكررررررررررا

رد: ثالث العيد جيت لديرتي والجدود
 

قويه وجزله وطيبه شكرا لك وصح لسانك مليون المليون