اشره على الطيّب اذا اخطا عليّه
 

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
اشره على الطيّب اذا اخطا عليّه = والاّ الردي ما يستحق المشاريه
واجنّبه من شان يدري الخطيّه = حتى ولو عانيت لا جيب طاريه
ادري بأنّه ما يدوس الرديّه = لكن يغره وقت ينسى مواريه
وقتٍ يخلي الأخ ينسى اخيّه = ويطرد ورا التيّار عله يجاريه
يلبس لثوبٍ كود يرضي البريه = ولا هوب من ثوبه ولو كان شاريه
يعيش في وهمٍ يجر الأسيه = ويبعد عن الواقع وظنه يباريه
ولو حكم لعقله بفكر ورويه = يعرف مقاسه قبل يكشف لعاريه
ومن قلد لغيره فلا له هويه = يضيع في دربه ولا من يداريه
العقل نعمه فلا تكون الضحيه = تعطي العقل للغير ماكنت داريه[/poem]

رد: اشره على الطيّب اذا اخطا عليّه
 

مبدع وحكيم
تسلم يادكتور
وكل عام وانت بخير وسلامة
ودي وتقديري لكم

رد: اشره على الطيّب اذا اخطا عليّه
 

[center]صح لسانك مليوووووووون

قصيدة جزلة من شاعر متمكن

لاهنت

سلمت ودام حرفك [/center]

رد: اشره على الطيّب اذا اخطا عليّه
 

[center][size="3"][font="advertisingmedium"][color="darkgreen"]الطائر المهاجر [/color]

نص مميز ومتقن وجزل
حمل الكثير من العتب والمشاريه
طرزها لنا طائرنا بحروفه المميزه
حلق بحروف شعرك طائرنا فهي تطربنا
كل عام وأنت بخير وعيدك سعيد
صح لسانك ملايين ملايين
ولك فائق تحياتي وتقديري [/font][/size][/center]

رد: اشره على الطيّب اذا اخطا عليّه
 

[poem=font="courier,6,blue,bold,normal" bkcolor="transparent" bkimage="http://www.fatahilah.com/mwaextraedit2/backgrounds/64.gif" border="none,4," type=2 line=0 align=center use=ex num="0,black""]
ياشايب الشيايب مئه بمئه =كلامك اللي تذكره وانت قاريه
وانا اعرف الشياب قومٍ قويه = يحللون الهرج على محاريه
واللي وصل تسعين لا واهنيه = لو مات ماحد ٍ ناثرٍ له عباريه
لوكان دكتورٍ ويحمل هويه = ماتنفعه من دون ربه مصاريه
ماينفعه مع طولت الوقت غيه = الموت يسرح معه يسري مساريه[/poem]


صح لسانك ابو عبدالله شاعر حكمة
ومافيك حيله اعجابي واحترامي لك

رد: اشره على الطيّب اذا اخطا عليّه
 

كلام موزون وفى غاية العقل

تسلم ياحكيم

رد: اشره على الطيّب اذا اخطا عليّه
 

[CENTER][IMG]http://img04.arabsh.com/uploads/image/2012/04/14/0e37454264fb04.gif[/IMG][/CENTER]

رد: اشره على الطيّب اذا اخطا عليّه
 

صح لسانك ياشاعر الحكمه
قصيده مميزه ومعاني جزله
ابدعت وعوااايدك ياعلم

رد: اشره على الطيّب اذا اخطا عليّه
 

والا الردي مايستحق المشاريه
عزالله انك صادق صح السانك يالغالي ابيات رائعه تقبل ودي وتقديري استادي

رد: اشره على الطيّب اذا اخطا عليّه
 

شاعر

جزل


صـح لســآنك ،،
وافيه ومن راس وافــي ،
تجمعت بها معآني الـروعه
أبيات في قمة الجمـآل