كللش تغيّر ما بقى غير ذكراه...عن العيد
 

[RAMS]http://up.ftahilah.com/up/uploads/Mine/TughyiarAl3eed.rm [/RAMS]
[poem=font="Simplified Arabic,5,darkred,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
كللش تغيّر ما بقى غير ذكراه= حتى بعيد الفطر والناس تعليه
من أولٍ للعيد طعمٍ وماحلاه =واليوم نفرح بعدما الصوم ننهيه
كنا نتجمع كل واحد ومااهداه =سفره طويلـه ما تمنّى تلاقيه
هذا جريش وذا قريصٍ بلوباه =وذا مطازيز بسرعه تدربيه
وهذا الحنيني حلّ يازين حلواه = ثمن نتقهوى الكيف والهيل نرهيه
كلٍ لبس ثوبٍ جديدٍ ولا ارهاه = لا كبر لا رفعة خشم في مواريه
كلٍ يحبّ اخوه فـي الله لله =وكلٍ يشارك بالفرح من قوافيه
واليوم غير الأمس ننسى للأشباه = تلفن ويكفي كان بالحيل تغليه
وان كان لك مصلوح تركض وتنصاه= لوك كبير السن تنقل تهنيّه
ومن قال أزورك قلت لا ويش ملفاه = مانيب فاضي ياوليدي تمشيّه
مشغول بالحاسوب فالنت تسواه =والا قناة مشفّره من بلاويه
وطفلك مع الألعاب بالدوم تلقاه = وام العيّال اتابع الفيلم تفليه
معاد به عيدٍ على حل طرياه= مغير عطله بعد صومٍ نؤديه[/poem]

رد: كللش تغيّر ما بقى غير ذكراه...عن الع
 

جزلة

سلمت وصح لسانك

صعووب

رد: كللش تغيّر ما بقى غير ذكراه...عن الع
 

يعطيك الف عافيه ولا هنت يالشاعر
وصح الله لسانك..

رد: كللش تغيّر ما بقى غير ذكراه...عن الع
 

شكرا صعبه
على كريم المتابعه
لاهنتي
اطيب التحيه

رد: كللش تغيّر ما بقى غير ذكراه...عن الع
 

شكرا نفحات
على كريم المتابعه
لاهنتي
اطيب التحيه

رد: كللش تغيّر ما بقى غير ذكراه...عن الع
 

صادق يادكتور تغيرت كثير من العادات الجميلة في العيد
شكرا لك
تحياتي

رد: كللش تغيّر ما بقى غير ذكراه...عن الع
 

شكرا منيع
على كريم المتابعه
لاهنت
اطيب التحيه

رد: كللش تغيّر ما بقى غير ذكراه...عن الع
 

صح قلبك يبه
ابيات في قمة الروعه
لاهنت

رد: كللش تغيّر ما بقى غير ذكراه...عن الع
 

صح السانك دكتور
ابداع من قديم متجدد
لاهنت

رد: كللش تغيّر ما بقى غير ذكراه...عن الع
 

صدقت تغيرت كثير من العادات الجميلة في العيد
صح لسانك ولاهنت