اذا من خاب ظنّك في الزمن
 

[RAMS]http://up.ftahilah.com/up/uploads/Mine/5abDhnkZimn.rm[/RAMS]
[poem=font="Simplified Arabic,5,darkblue,bold,normal" bkcolor="transparent" bkimage="" border="double,4," type=2 line=0 align=center use=ex num="0,black"]
اذا من خاب ظنّك في الزمن واللي يديرونه = فلا تزعل على نفسك اذا مالت موازينه
يجي له يوم يتغيّر على من مال لعيونه= فخلك كالجبل صامد ولو ثارت براكينه
تهب العاصفة نسري تثير غبار بسكونه = وتدفن كل من حوله ولا ينقذ موالينه
قليل الفكر من يحسب سنين السعد مضمونه= وكثير الشؤم من فكّر بأنّه من مساجينه
تذكـّر فالـزمن دوّار لا يغريك بفتونه = ودروس الوقت وافهمها فهذا من قوانينه
الا ياضـايقٍ صدره يحس القهر في كونه = تراها تنفرج في يوم لو طول العمر شينه
تجيني اليـوم تتـألم يبـوح القلب مكنونه = تقول ان الصبر كمّل ولا يستحمل سنينه
وقفت وغيرك اتسـلق فطبعك ما يحبونه = يعرفون الامانه في ضميرٍ صعب تليينه
ويعرفـونك عزيز النفس وهـذا ما يدانونه = يبوا منّك نعم سيدي وتحني الهام وتهينه
ومدامك مرجعٍ للراي بخبره عـلم وفنونه = يدارونك بضحكة سن ما تدري بمضمونه
تعـامل كنّـك الحاسب يفيـد ولا يفيدونه = واذا منه تعطل يـوم يجيبوا غيره بحينه
ولكن ما يبوا هذا فمثلك من يهابونه = مدامك عارفٍ للي من الاسرار مخفينه
وتدري الثوب يتفصل على اللي قاصر دونه = وثوبك مع كثر غسله ثبت شكله وتلوينه
يبون الحر ما يصمد يطير ويترك حصونه = وإذا منّه سئل عنّه يقولوا ما دري وينه
الا يا لعنبو وقتٍ يغسل الفكر صابونه = يغيّر صاحبه مبداه وينسى الأصل او دينه
عزيز النفس لو خيشه لبسها قال مزيونه = ولا ثوب الحرير اللي يجيب الذل ويعينه[/poem]

رد: اذا من خاب ظنّك في الزمن
 

صح لسانك عددبلامدد
لاهنت
تقديري واحترامي

رد: اذا من خاب ظنّك في الزمن
 

صح السانك
ابداع متجدد

لاهنت يادكتور

رد: اذا من خاب ظنّك في الزمن
 

رائعة ومعبرة يادكتور
شكرا لك ولحرفك القيم الصريح
تحياتي

رد: اذا من خاب ظنّك في الزمن
 

صح لسانك وحالك ابو عبدالله

ابداع وجزاله ولاهنت

رد: اذا من خاب ظنّك في الزمن
 

شكرا بنت النور
على كريم المتابعه
لاهنتي
تحياتي

رد: اذا من خاب ظنّك في الزمن
 

شكرا الطامي
على كريم المتابعه
لاهنت
تحياتي