ياحــــــــــــلاّق
 

[poem=font="simplified arabic,4,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياحلاّق ياللي عندك المجرفه والموس=تعلّم وقص الروس حتى تجي حلاّق

ولا تاخذك رحمه ليا شفت كُبر الروس=تراها كبار وضارياتٍ على الفِلاّق

فيها مضرب الليور وفيها ضروب الفوس=مخابط مضاربها وساعٍ مثل الانفاق

ولا همّها المشرط ولا شكة الدبّوس=اخذ راحتك واصلخ ومن زعل بالطقاق

هذولا رصاصٍ يحتري ضربة النادوس=يطير ويعير ويحترق في سما الافاق

ولا يانديبي فوق وارد جديد جموس=حفيز الجميحي مابعد فرّه السواق

تلفّه قراطيسه مثل عمّة الهندوس=لا جا عاصبٍ راسه يبي هدّةٍ وخناق

على راس خشمه ودّك انك تبوسه بوس=وترجع تبوس عيونه اللي ماهيب ضواق

لامنه اشتغل لاكنه يقول ميدك دووس=قوي العزم ماله شبيهٍ على الاطلاق

على مركبٍ كنّه مثل سلطنة قابوس=فخامة تسرّ البال وتزيّن الاخلاق

نبي ديرةٍ برّاقها كن فيه كبوس=سرى ليله البارح وهو يصطفق صِفّاق

نجي الارض دايسها المطر طول ليله دوَس=مشاقيق سيله شقّت بطونها شِقّاق

وغدرانها تطفح زلالٍ مهو محيوس=عليها طيور البر من بينهن عناق

وريحة نداها تبهج الخاطر المتعوس=وبارد هواها يشرح الصدر لامن ضاق

بعيدٍ عن الساحل وعن قرصة الناموس=وعن ريحة البترول من بيبه الدفّاق

وعن جوّه اللي لا انكتم كنّه الكابوس=تجي في الريايا ضيقة النفْس والخنّاق

وبعيدٍ عن اللي ماورا صحبته ناموس=ولا بينها والطيب علاقةٍ ووفاق

خويٍ على وقت الرخى محْزمه ممسوس=ولاجيت تبغي تحْتزم به يجيه فتاق

لا قابلْك قام من الطرب يلّعب المنكوس=ولا غبت عنه شوي علّقك في المعّلاق

هذا والله اللي صحبته كلبوها سوس=عسى اللي حفظ راعي الوفا يكشف البواق

وجيه المصالح تتبعك حد معك فلوس=ولا باحت فلوسك يهجّون عنك سباق

تجَمّعهم دروب الطمع لو صحن مكبوس=مشاريع صحبتهم على الطاق والطرباق

ويبقى الوفا والطيب في صاحبه مغْروس=يطول الزمان وراعي الطيب له سبّاق

رِْجالٍ تبادلك الجمايل بطيب نفوس=وشيكات عزٍ في رصيدك ماهيب اوراق

ومن جمّله ربّه وزيّن له الملبوس=يجي في العيون اجمل من الشمس في الاشراق

ومن جا يقوس الناس يصّبر لاجاه القوس=اما تنهكه الاحمال والا يجيه اعتاق
هذي المرجلة ماهيب تحتاج مخْذ دروس=تبي واحدٍ يتعب لها بالقدم والساق

وياحلاّق ياللي قمت تصّرم كبار الروس=قبل لا تقص الروس حوّل على الاعناق

ولاجاك راعي الطيب لاتجرحه بالموس=ترا راسه الطيّب ما يستاهل الدِنّاق[/poem]

رد: ياحــــــــــــلاّق
 

ومن جا يقوس الناس يصّبر لاجـاه القـوس
امـا تنهكـه الاحمـال والا يجيـه اعـتـاق
هذي المرجلة ماهيـب تحتـاج مخْـذ دروس
تبـي واحـدٍ يتعـب لهـا بالقـدم والسـاق


صح الله لسانك واعتلا شانك
اجدت بما كتبت
تقبل مروري

رد: ياحــــــــــــلاّق
 

صح الله لسانك واعتلا شانك

رد: ياحــــــــــــلاّق
 

[color=#000099]صح لسانك وبوحك
لاهنت

رائعه بروعت وجودك


يعطيك العافيه


تقبل مروري[/color]

رد: ياحــــــــــــلاّق
 

يا زين قلبك ومنطوقك
صح لسانك لا عدمتك

ابد
تحياتي وامتناني

رد: ياحــــــــــــلاّق
 

[center][font="comic sans ms"][size="6"][i][b]صح لسانك واعتلا شانك
ابيات رائعة
ترجمت روعة الاحساس
سلمت وسلم تميزك
وإبداعك

تقبل من التحيه أغلاها ودمت بود[/b][/i][/size][/font][/center]

رد: ياحــــــــــــلاّق
 

الله اكبر
وش اخذت وش خليت
درتها عالميه والنهايه للحلاق
لله درك
صح لسانك مدد للا عدد
ولاهان راسك
تحياتي

رد: ياحــــــــــــلاّق
 

ابو مقبل هذا والله الكلام ماهوب اللي يشرح الصدر
الله يبارك فيك وفي فكرك الذي صاغ هالدرر
لاهنت وبيض الله وجهك

رد: ياحــــــــــــلاّق
 

الاخ الفاضل الشاعر / سعيد مقبل الأكلبي
ما أجمل الوقوف على عتبات كلماتك
صح لسانك مدد بلا عدد
فقد أستمتعت بكل حروفها
تقبل تحياتي وتقديري
أخوك / بن ماضي

رد: ياحــــــــــــلاّق
 

هذي المرجلة ماهيـب تحتـاج مخْـذ دروس
تبـي واحـدٍ يتعـب لهـا بالقـدم والـسـاق

صح لسانك