منتديات الفطاحله - لا من رفضنا نساير موجة الواقع

منتديات الفطاحله (http://www.ftahilah.com/index.php)

- همس القوافي للشعر النبطي (http://www.ftahilah.com/forumdisplay.php?f=10)

- - لا من رفضنا نساير موجة الواقع (http://www.ftahilah.com/showthread.php?t=137056)

لا من رفضنا نساير موجة الواقع

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لا من رفضنا نساير موجة الواقع= نقول حظٍ رديٍ وش نسوي به
والاّ نقول القدر ماللقدر مانع = ارزاق مقسومه وكل ومكاسيبه
لكن اذا شفت طبلٍ خاضعٍ خانع=تلقاه يرقى السلالم مع عذاريبه
ويصير له شان دام الذل له دافع= وانت بكرامتك ماترضى اساليبه
ان كنت عاقل فانت بعيشتك قانع= والاّ تجننت من وقتك والاعيبه
فالحظ والاّ المقدر ماهو الصانع= "الواو" تكفي لجعل الطبل له هيبه
من عقب ماهوب صايع داشرٍ ضايع= فجأه تلاقي تقدم في مراتيبه
لأنه مفصل ينفذ امر للبارع = اللي يبي طبل يخدم مع مناديبه
ماللكرامه بهذا الوقت من طامع = الكل يرخي بما ناسب مطاليبه
حتى اصبح الذل طبع الناس بالشارع= كلٍ يطمن ويبحث عن معازيبه
يعني اذا ما انت لا ذيلٍ ولا تابع= مكتوب تحيا الشقا باعلا مناسيبه
لو كنت مبدع وامين وبالشغل باتع= تموت مغبون من وقتك وتعذيبه
فاللي بيده قرارك للشرك زارع= لانّك تعرفه فلا من علم او هيبه
ولو كان يحمل شهاده بالعلم خادع= عطوه بعض القشور وعاد بالخيبه
يضحك بوجهك وهو لابد بك قادع=حتى يحط اللذي يوافق اساليبه
ما يندرى به لأنه دايمٍ طايع = شاطر بحاضر .. نعم او نقلة الغيبه
وهو يفكر بنفسه بالطمع جاشع= ومن بعد فقره نشوفه انتفخ جيبه
ما ينتعدل وضع ويصير له طالع= والسوس ينخر بساسه لينما يجيبه[/poem]