منتديات الفطاحله - القصائد التي فازت بالمسابقة

من اصعب الصعاب ان يحاول الإنسان ان يقارن بين مجموعة من الدرر القيمه
تكاد تتساوى في كل شئ ، ولكن في اية منافسة ، لابد من تحديد من يحتل المراكز
الأولى ، لذلك اجتهدنا في الأخذ بكل المعايير الموضوعية الدقيقة ، فكانت الجولة
الأولى بعرض جميع القصائد على لجنة مكونة من نائب المشرف العام سناعيس ومراقبي عام الشعر
عقاب وابو عيسى ، ولم يتمكن عقاب من الإدلاء برأيه ،فكان رأي الأخوين سناعيس وابو عيسى ، ثم كان
لابد من الإستعانة بالشعراء أنفسهم ، فجاءت الإجابات ، وان لم تكن بالعدد المطلوب ، ثم كانت الجولة الأخيرة
وعرضت على الشعراء القصائد التي وصلت لهذه الجولة ، ورغم ذلك كان عدد الإجابات غير مقنع ، وبالتالي
فأية تقصير في الوصول إلى نتائج افضل ، يرجع للشعراء الذين لم يشاركوا سواءا في الجولة الأولى او الأخيره
وبناء على ماذكر أعلاه من توضيح للحقيقة ، حصلت القصائد الموضحة أدناه على افضل الترشيحات :

المركز الأول
وقد حصلت عليه قصيدة الشاعر(17) محمد العسكر

[poem=font="Simplified Arabic,6,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يا متعب القلب قلي ويش غلطاتي=ان كنت انا اقدر اعدلها .. بعدلها
لصرت تجهل عناء الدنيا .. وضيقاتي= من دون ماشرح لك اوضاعي تأملها
الوقت ضدي .. حرمني من ملذاتي = والصد بعدك ذبح روحي .. وكملها
لا .. لايغرك كثير الصمت .. وسكاتي = خل المشاعر تقول ( الآه ) وإسألها
يسكني الحب .. واضح من عباراتي = وش عاد لجلك حروفي لو أذللها !!
عذبني الشوق واسرفت بخيالاتي = روح ٍ تحبك دخيلك ليه .. تهملها !!
ياليتك إشوي تشعر في معاناتي = دنياك يمكن عليك تضيق باكملها
الحزن كنه سفيري في علاقاتي = والهم خيّم على حالي .. وطولها
اغديت دربي وتاهت فيك خطواتي = كل المواعيد مدري ليش تجلها !!
سنين احاول وضاعت كل حيلاتي = متدري اني ( حياة الذّل ) مقبلها
لجيتك أسال وادوّر فيك ضحكاتي = كنك تعمد بيديك اليوم .. تقتلها
لا تترك الظن يلعب باحتمالاتي = الكلمه اللي تحزّ بخاطرك .. قلها
تعال شفني وحس بحال لوعاتي= كن الدقايق بدونك عام مطولها
متى التباشر بقدوم ( الغلا ) تاتي = فرحة زماني بشوفك ما تخيلها
خلاص صبري تعدى كل هقواتي = اتعبت نفسي ( اعزيها .. وعللها )
ابيك تنسى وتدمح كل ( زلاتي) = بعض البشر صعب مانقدر نزعلها
والحين جيتك ابمسح كل غلطاتي = دنيا ي دونك وربي ماتحملها[/poem]ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وفي المركز الثاني
جاءت قصيدة الشاعر(9) شقير المهلكي

[poem=font="Simplified Arabic,6,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
جتني تبادلنـي غـرام و مشاعـر=جتني تبادلني احاسيـس وشعـور
جتني قصيده شاقها نضـم شاعـر=جتني سفينه شاقها شاطي ابحـور
جتنني صحاري شاقها رش ماطر=جتني سجينه شاقها شوفت النـور
من شوقها ضلت بعينـي اتناظـر=من شوقها ما كنها غير مسحـور
ضميتها في حضني و قلت خابـر=كل الكلام الـي تقوليـن مخبـور
يا غاليـه يـا ساكنـه فالمحاجـر=يلي غلاك في داخل القلب محجور
مشتاقلـك شـوق القلـم لدفاتـر=من كثر شوقي ما يشيلنه اسطـور
ودي ابين بس مـا اضـن قـادر=انتي غلاك ابداخل القلب محفـور
وانا على فرقـاك مانـي بصابـر=ماصبر علي فرقاك وعيونك الحور
في شوفت اعيونك تسر الخواطـر=ويضل بالي دايم الـدوم مسـرور [/poem]
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وفي المركز الثالث
قصيدة الشاعر(6) ابومالك رسام بالإشتراك مع قصيدة الشاعر رقم (10) نورة الخاطر

[poem=font="Simplified Arabic,6,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
اقبلي مثل صبحاً فـي ضيـاه الفـرح=مثل وردً تفتـح مـن عبيـره يفـوح
واسكني قلب عاشق من هواك انجرح=وارحلي في خيالي فوق كل الجـروح
صاحب الحسن حسنك من رأه انشرح=ومن وقع في شباكك كيف يقدر يروح
انتظرتك وعمري في غيابـك سـرح=واعتلا الشيب راسي دون وصلك يلوح
ياعيونـاً لقينـا فـي لقاهـا المـرح=ويا دموعاً كتبنا حبنـا فـي وضـوح
اسمحي لي أحبك كـان قلبـك سمـح=ادري انك تحبـي وان قلبـك سمـوح
اين بالقى حنانك فاض صبـري طفـح=اعذريني احبك حـب روحـاً لـروح
ذاع صيتي بحبك من ضميري نضـح=يعرفيني العوالـي يعرفينـي السفـوح[/poem]
.

[poem=font="Simplified Arabic,6,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
دفنت حلمي في عذاب الكتابه =وأخفيت عن كل البشر وجه الأحزان
ياوجد حالي ياعناه وعذابه=في هيكل الحرمان مذبوح قربان
ماتقدر ايدينة تخلص شبابه =عليه سلسال الذهـب صار سجان
ظامي شفايا ماهتنا في شرابه=يورد قراح البير ويرد عطشان
ان لاح له برقٍ تمنى سحابه=وإن وصلتة تمطر لواهيب نيران
لاشاف عز ولا تعزوى قرابه=ردالصدى صوته يقول:أنت غلطان
من يوم شفت العمر يطرد سرابه=نثرت حلمي في بحر حبر الأجفان
دمعى مدادي والأنامل جوابه=ترسم على صبح الورق غدر الإنسان
الليل طول في عيوني ضبابه=والشمس ماتشرق من ضلوع بركان
دليل خوفه حيرته واضطرابه=وأزهار صدره حدها سور بستان
ذبلت نواويره وزاد التهابه=مات الهنا في موج الأيام غرقان
دور على مرفى لقا شوك غابه=خالى من الشيمه كما رأس شيطان
لوبه رفيق يلتجى في جنابه=ماهلت مزونه هماليل وجدان
مير البلاء كلٍ رحل عن هضابه=صوت يبي الفزعه ولا به(كحيلان)
الخيل ماتت عقب عصر الصحابه=باقي دبش ترعى هزيلات وسمان
وحتاه ينسى عاش وهم الكتابه=يخفي عن وجيه الملا بدر الأحزان[/poem]