قال الذي في بدع الامثال يحتاط
 

[poem=font="Simplified Arabic,6,white,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]

قال الذي في بـدع الامـثال يحـتـاط=وان هاض في قـيـفــانـهـا ماخـلـطها
يخاف من يفـرح بتجـمـيـع الاغلاط=ولا صـاد غـلـطـات الاوادم لـقـطـها
لا هاج حـسـده بالـمـعـالـيـق واشـتـاط=كل القـفـوش الـلـي بـمـشـطه فرطـها
في شاعر يـبـدع على كل الانـمـاط=ولا رام خـزنــات الــقـوافي شعـطها
باللي رمى روحي على نار الاحـباط=وخـلاه تقـضـي لـيـلـهـا في سخـطها
عينه عـيـون الفرس واجسام الاقباط=قسمـين والـبـطن الصلـيـبي وسطها
عطره يـعـيـد الوجد والشوق لا عاط=عطرن اليـا نـاش الضماير بسطها
ياشين يوم اقـفـى معه عـفش وشناط=من يومـهـا والروح تشكي قحـطـها
هجره لسع روحي مثل لسع الاسواط=تحت البغيض اللي بسوطه لعـطها
والا قـدحـت بداخـل الجـوف شخـاط=نـارن وقــوده من هـشايم سـبـطها
مالي عـلـى سـلـم الاجـاويــد مـقـلاط=وفـعـولنا خـوف الفضايح ربـطها
ونـفــوس اهـلـها ماتـقــارب وتـنـهاط=لو ساعة للروح تنـهي شطـطها
هـذا مـعـه عـجـراء وهــذا بـمـسـواط=وهذا سكاكـيـنـه بـجـيـبـه سفـطها
حول المها صارو مداحـيش ونـشـاط=ومن جاه في سوط الظليمه مسطها
ماصار له مـطــلـع ولا شفت مـهـبـاط=لـو قـرطـة بكـفــوف طـفل قرطها
ولو صرت بدروب الهوى تقل مزقاط=الكـبـد مطراش الدجـى ماخـبطها
يـامـا سـريـت بـلافـح الـبـرد بشبـاط=لانـام جـفـن الـلـي بلـيـلـه عـبـطها
فـوق اشـهـب لا دسـت له تقل مخباط=مع سهلة لو طـال شـوطـه معـطها
صعب تصوغـه ريشـة عـنـد خـطـاط=او شاعرن يـبدع قــوافي نـبـطـها
صـحــراء ولا يـاتي تـفـاتـيـش ونـقــاط=او واحد حتى التـواير سعطها
ياطـى عـلـى رمل ودعـاثـيـر وقـطـاط=ولا شاف شينات المطالع شبطها
مـاسـدد الـقـيــــمـه فـواتـيــر واقــســاط=من تاجرن لـقـمـة قـصيره زرطها
ولا بات دفيان(ن)تحت شرع وبساط=والبنت لو تلمس جـنوطه قفطها
ولاطاح حـيله والسـبب طـلـعة الـغـاط=وطاع الشروط اللي وكيله شرطها
ولا ضاق لا زاد السفر خمسة اشواط=وشال المكـيـنـه والبـسـاتم خرطها
فوقه شجـاع يـقـضـي الـلــيــل مـواط=كم سـهـلـة لا راح ليله مـغـطـها
اسـري لعـين اللي لمحـتـه بـفـسـطـاط=رش الجـدايـل بالعـطور ومشطها
طـردت زول اللي خـذت كل الانـواط=ومن شافـهـا بين الخــلايق غـبطها
واثر المداخل به عـسـاكــر وضـبـــاط=في خـطة راع الهـوى ماضبطها
وخـسرت في سوق الـهوى كل الابناط=مع صاحب قـش السـهوم وقشطها[/poem]

رد: قال الذي في بدع الامثال يحتاط
 

الله الله
الشاعر فواز الغسلان
صح لسانك ولله درك
جزل بكل ماتعنيه هذه الكلمه
قافية وحبك وسبك على اعلى مستوى
لاهنت وبيض الله وجهك

تحياتي

رد: قال الذي في بدع الامثال يحتاط
 

رائعة من شاعر رائع
ومتجدد الإبداع
صح لسانك وفكرك يافواز
ودام ابداعك
تحيتي ومودتي

رد: قال الذي في بدع الامثال يحتاط
 

جزلة من شاعر جزل
الشاعر فواز
لاهنت وبيض الله وجهك
وصح لسانك حتى ترضى
تحية طيبة

رد: قال الذي في بدع الامثال يحتاط
 

الشاعر/فواز

صح لساانك واعتلااا شانك

لاهان راسك

رائعه من روائعك

ابدعت

تحياتي وتقديري

رد: قال الذي في بدع الامثال يحتاط
 

[center][glow=003333][size=6][font=comic sans ms][color=#ffffff][color="deepskyblue"]
[color=#00CCFF][size=7]
[COLOR="Plum"] الغسلان

صح صح صح السانك

قصيده ممتازه من شاعر متمكن

لا هنت

موج القصيد [/COLOR][/size][/color]

[/color] [/color][/font][/size][/glow][/center]

رد: قال الذي في بدع الامثال يحتاط
 

الاخ الفاضل الشاعر / فواز الغسلان

صح الله لسانك وقلبك أخي العزيز

مبدع وممتع كما عهدتك دائماً

دمت بهذا الألق

إحترامي وتقديري

رد: قال الذي في بدع الامثال يحتاط
 

صح لسانك
واعتلا شانك
ولا هنت على الابداع

رد: قال الذي في بدع الامثال يحتاط
 

[size=6][font=Comic Sans MS][color=#FF8C00]الغسلآن ..~

هطول مميز ..~

صح لسانك ملايين ..~

سلمت و سلم فكرك ..~

ألف شكر لك ..~

دمت برعاية الخالق ..~[/color][/font][/size]

رد: قال الذي في بدع الامثال يحتاط
 

[size=5][color=#800080]الشاعر/الغسلآن

صح لسانك

وزان حالك

لاهنت مليون ولا يكفون

لله درك

الله لا يحرمنا هذا النزف

الله يعطيك 1000 عافيه[/color][/size]