منتديات الفطاحله - وقفّت تشحذ وقالت لي تعال

منتديات الفطاحله (http://www.ftahilah.com/index.php)

- همس القوافي للشعر النبطي (http://www.ftahilah.com/forumdisplay.php?f=10)

- - وقفّت تشحذ وقالت لي تعال (http://www.ftahilah.com/showthread.php?t=15741)

وقفّت تشحذ وقالت لي تعال

[RAMS]http://up.ftahilah.com/up/uploads/Mine/Tsh7th.rm [/RAMS]
[poem=font="Simplified Arabic,5,darkred,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
وقفّت تشحذ وقالت لي تعال= مهرة تمشي تقود الها ضرير
قلت حاضر ، آمري ويش السؤال = قـالت اللـه يرزقـك رزق كثيـر
لو تصدّق ، كان عندك زود مـال = حـالنا صعبة على القلب الكبيـر
وانظر الشايب ولاهو كالخيال = شـايب عـايب ، وحسبنه كسيـر
قلت ، يسمع ، قاللي يابن الحلال = كان ما تعطي توكل بالف خيـر
قلت له ، أبشر ، تفضل للظـلال = خـل نتقهوى ، وما تبغي يصيـر
وخذتهم للبيت ، ووصيت العيال = وما دروا بالسر طـايل لو قصيـر
وجتني الحرمه ، وقالت بالعجال = البنيّـه باكيـه ، تـرفض تسيـر
قلت يا بنيّه ، أبي هرج العـدال = قـالت ، إن الامـر يا خالي خطير
هذا زوج أمي ، وزودني هبـال = ولا لي غير اللـه عوين أو نصيـر
امي اتوفّت، وورثني تقل مـال = اخدمه واشحذ معه مـالي مصيـر
ضـافني ويّـاه في الدفتر وقـال = صرتي من هالوقت بنتي ياعبير
بالنهـار اشحذ ، ويسـكر بالليال = وان بغيت انهـاه ، شره مستطير
ومن تقدّم لي طرده بكل حال = ما يبيني اتركه وقتٍ يسير
قلت انا لا باس ، حلّي ما يقـال = يا صلك علمي إذا شاء القدير
قومي يا بنتي ، ولو حملك جبال = تنفرج فالصـبر حـلال العسـير
وبعد بحثٍ في تمهـل واعتـدال = التقيـت بعمّهـا ، عـود كبـير
طول عمره في نزول وارتحـال= ظنهـا ماتت وهي طفلٍ صغـير
وعدّلت اوراقها باقصى العجال = وزوجت بالحال من كفو نظيـر
والعمى اتوفى، عسى حسن المآل = يغفـر اللـه زلته يـوم النفيـر[/poem]