بنت تعلق لها شايب
 

حمدان شايب ولكنه هواوي و قلبه خضر يعشق بسرعة وكان فيه بنت صاحبة مقالب أرادت أن تمازح حمدان لترى ردة فعله فذهبت إليه وسلمت عليه وسألت عن حاله بكلمات جميلة ثم ذهبت فجأة وبدون استئذان فتعلق قلب الشايب حمدان بها وقال فيها أبياتا ذاكرا فيها أنها أعادته للماضي وأنها اذا لم تبادله المشاعر فإنه سيلحق بأخيه حمود الذي في قبره كما يذكر التاريخ واليوم الذي قابلها فيه حيث قال:
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا بنت خوذي خاطري وارحميني = لا تجرحين العود بعيونك السود
غضي نظرك وغطي الوجنتيني = لعل يومٍ جدد الجرح ما يعود
يوم انتهى مع مرمسات السنيني = جتني صواديفه على غير مقصود
باول شهر عشره نهار الثنيني = حمدان مروا به على جنازة حمود [/poem]
وكان هدف الفتاة الرئيسي هو أن تجاريه بالقصائد من باب المزاح وهو لا يعلم أنها شاعرة فردت عليه بأبيات ساخرة قائلة:
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا شايب الرحمن وينك وويني = عزي لحالك قدمك الباب مسدود
قلبك عطوف وجاه قلبٍ متيني = والبنت ما تشفق على مغازل العود
حبل الرجا مقطوع بينك وبيني = مثل الغليث اللي رعا قلبه الـدود
أقفى شبابك والعرب مقبليني = يا عود ما يرجع من العمر مفقود [/poem]
فتحطم قلب حمدان عندما سمع أبياتها وفقد الأمل في قربها وقال أبياتا موضحا فيها أنه لا رغبة فيه للغزل بعد هذا العمر فقال:
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا بنت صدي بالعيون الظليله = لا صد عنك الله نهار القيامه
مالي ومالك يالفروع الطويله = لو فيك من رسم البداوه علامه
يا بنت ما لي بالثمانين حيله = أهدف كما تهدف على البير قامه
أقفى شبابي والدهر شفت ميله = يالله حسن الخاتمة والسلامه
أعطيك موجز والبضاعه قليله = وأخذت لك من صافي الماء سنامه [/poem]
وبعد فترة من الزمن مرت به ثانية وألقت عليه السلام ذهبت بسرعة مما أثار الشايب حمدان ففكر في أن يقول لها أبياتا يخبرها بأن الدور سوف يأتيها يوما لتصبح عجوزا هي الأخرى وأنه من الرجال الطيبين وممن تنصاه الناس ومشهود له بالكرم وأنه لا يريد منها سوى السلام وإلقاء التحية والترحيب فقال
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا بنت ما جاس الكبر والخشونه = وعادت شباب اليوم يجفل من الشيب
يا سرع ما وبلك تمزع مزونه = يالفاتنة يا أم الثمان الرعابيب
يا بنت ما بيني وبينك مهونه = كلمة شرف نبي تحية وترحيب
الله من عودٍ ثقيلة ظنونه = ينصاه راع المشكلة والمواجيب
على الكرم والدين نفسه حنونه = تلقاه بالأجواد شرق وتغاريب [/poem]
ثم أرسل الأبيات مع عجوز وعدها بهدية قيمة إذا أوصلت الرسالة لها، فأخذتها العجوز إليها وبعد أن رأتها الفتاة حبست العجوز في غرفة وقالت لها مثل ما أتيتي بأبياته يجب أن ترجعي بأبياتي إليه فكتبت الفتاة أبياتا أقوى من الأولى وأكثر تحطيما لقلب حمدان حيث قالت:
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
العود عود وطايحاتٍ سنونه = من كثر ما يرقد على جرة الذيب
عودٍ مهرقل والعرب ما يبونه = يا عود ما لك في طويل المراقيب
أقفى شباب العود راحت حتونه = مثل اليتيم اللي بكا ما له مجيب
جداه ينثر دمعة ٍ من عيونه = غريق موجٍ ما لقاله مقاضيب[/poem]

(منقول)

رد على: بنت تعلق لها شايب
 

حطمت قلب المسكين القلب مايشاور والرجل دايم قلبه خضر لوعمره 100سنه مشكور استاذي على المساجله الرائعه بيض الله وجهك يالغالي

رد: بنت تعلق لها شايب
 

يستاهل ماجاه

مشكور مشرفنا العام
تحياتي

رد: بنت تعلق لها شايب
 

مشكور على هالموضوع يالطائر

رائع


تقبل مروري

رد على: بنت تعلق لها شايب
 

[COLOR="Green"]الشيب شيب القلب ولا العمر مظهر خارجي
ودامه قدر يرسل ها الابيات الغزليه ماعليه خوف وإن كان الرد على الغزل با الهزل بس الشكوى لله ههههههههآي

يعطيك العافيه يا طائرنا ولا عدمناك يا الغالي عودتنا على كل جديد وممتع الله يوسع صدرك با العفو والعافيه ولا يحرمنا منك[/COLOR]

رد: بنت تعلق لها شايب
 

تعالوا اجل نحط في الموضوع قصيدة

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الشيب شيب القلب ماهوب بالراس = كم من شباب انتهى قبل حله
ونا احمد الله ما افكر بهوجاس = شباب دايم والغزل ما ادله
اقول شعري من خيال كما الماس= لامن بغيته جاء من ابعد محله
من سمع هرجي قال في قلبه اوجاس= ونا خلي القلب مافيه عله
انظم قصيد الحب فالحب للناس = فنجال كيف غير من دون دله[/poem]

كملوها ....

رد على: بنت تعلق لها شايب
 

الله يعطيك العافيه

وانا عندي اضافه بيت واحد فقط للمشاركه فقط وان شا الله لي عوده

[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الشيب شيب القلب ماهوب بالـراس=كم من شبـاب انتهـى قبـل حلـه
ونا احمد الله مـا افكـر بهوجـاس=شبـاب دايـم والغـزل مـا ادلـه
اقول شعري من خيال كمـا المـاس=لامن بغيته جاء مـن ابعـد محلـه
من سمع هرجي قال في قلبه اوجاس=ونـا خلـي القلـب مافيـه عـلـه
انظم قصيد الحـب فالحـب للنـاس=فنجال كيـف غيـر مـن دون دلـه
كبٌر العمر ماهو دليل ومقياس=والحب من جربْه صعب(ن) يمله[/poem]

رد على: بنت تعلق لها شايب
 

هلا ابو عبد الله

الا ما تعرف العجوز اللي توصل القصيد للبنت
نبي نتعاون انا وياك على قصيدة ونرسلها للبنت
مع العجوز .

ونشوف يا..... حنا..... يا هي .....

دمت ودام لنا ابداعك

رد: بنت تعلق لها شايب
 

هذاك من اول
هالحين عسانا نسلم من البنات
الهدف الفلوس حتى لو كنت شايب

رد: بنت تعلق لها شايب
 

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامدعين الحب يامال الافلاس=العبسي واللي واقفٍ تحت ظله
والله ضحكت وصابني هم وانعاس=يومه يشيب الراس والقلب لله
لاشاب راسك ياخوي ابونواس=شيبت كلك لاتحرف السجله
لاكن تعزي بالهقاوي ياقرناس=كذب وصدق لين كذبك تملة
جاك الكلام اللي يوديك الاتعاس=وان طعتني ارجوك بالصوت شله
فاضي خويك لايجي فيك وسواس=مزحة محبٍ مالقى فيك زله[/poem]