:: جنوب حائل ::
 

،،،،

،،،

،،

،





بعد حادثه الاسبوع الماضي اعتقد ان الحزن لا يزال مخيم على الكثيرواعلم ان الجرح لا يؤلم الا من به الم واعلم ان الحقائق كثير وان الشاعر بوح مجتمعه هذه قصيدة بوح وتعبير عما خفا في اعماق الجرح نقلتها من بين الحنايا الى اروقتكم اتمنى ان تلاقي رضاكم واستحسانكم .

[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]



أربع عشر نفس (ن) قضت بأخر أسبوع = قبل وداع العام وأدعهن العام

وأنا من اللي صار ما زلت موجوع = وأحس بالآلام(ن) ولو مابي ألآلام

والقلب كنه من خفا الصدر منزوع = وقوس الضلوع الناحله روح أحطام

وكبدي لهدها هم والهم قاطوع = لوعة ولوعات الزمن مالها حسام

كني أبو وحده من الحزن مفجوع = في فقد بنت (ن) كلها آمال وأحلام

غضن الحشا في فقدها صار مقطوع = كن الحشا من عقبها لابس لثام

راحت ودمع العين بالعين مزروع = وليل المواجع طرف راعيه ما نام

راحت بذنب إنسان وكلّ بمشروع = أكل منه مليون والباقي أقسام

راحت بخط(ن) قبل لايسير مصدوع = ماهو على قد السوالف والأرقام

وراحت بذنب الجامعة مالها فروع = وجنوب حائل ما عرفنا لها نظام

أحيان مسموح (ن) وبأحيان ممنوع = حسب المصالح والمعارف والأقلام

تطلب طلب ويصير لك كم موضوع = ويقفل على الموضوع بالدرج بأحكام

وطلبك بالمظروف مقفل ومشموع = وأصدر عليه الأمر تنفيذ الإعدام

الين ما تصبح من الهم مليوع = حتى تشوف أسمك على صدر الإعلام

ومن بعد ما راحت زهور الحشا روع = هل كيف تبرى يا أهل الطب الأسقام

بس العزاء بالله والصوت مرفوع = لله ربي عالم (ن) غيب الأيام

أدعيه وأدري عنده الصوت مسموع = يجعل جنانه دارهم دار الإكرام

[/poem]



،،،،

،،،

،،

،

اخوكم - صالح سعود

رد: :: جنوب حائل ::
 

الله اكبر ياسعود

مصاب جلل سمع به الداني والقاصي

وكم من غريب لايعرفهم بكى على هذا المصاب .. الله يجبر مصاب اهاليهم ويصبرهم على ماصابهم

الله يرحمهم جميعا ويغفر لهم ويغسلهم بالماء والثلج والبرد ويوسع نزلهم ويسكنهم جنات النعيم

صح لسانك يبن الاجواد وبيض الله وجهك

لاهنت

يعطيك العافية

دمت بخير

رد: :: جنوب حائل ::
 

[font="comic sans ms"][size="6"][color="darkred"]الله يرحمهم جميعا ويغفر لهم
ويغسلهم بالماء والثلج والبرد
ويوسع نزلهم ويسكنهم جنات النعيم

صح لسانك واعتلى شأنك
ولاهنت
تحيتي واحترامي [/color][/size][/font]

رد: :: جنوب حائل ::
 

صالح
صح السانك ملايين
والله يرحمهم جميعا
ويعين اهاليهم
شكرال ك اخي

رد: :: جنوب حائل ::
 

رحم الله الجميع برحمتة الواسعة واسكنهم الفسيح من جنتة
ابيات موثرة
تحياتي

رد: :: جنوب حائل ::
 

اسأل العلي القدير ان يرحم موتى المسلمين ويسكنهم فسيح جناته

حادثه موجعه خيـّـم الحزن على حائل وعلى جميع مناطق المملكه وكأننا فقدنا خوات لنا يشهد الله

وهذا يومهن مابه شك ، ولكن هناك اسباب كما تفضلت بذكرها وماقصرت ياعزوتي

شرحت ماكنت اتمنى شرحه عبر هذه الابيات الوافيه والجزله

صح لسانك ولا هنت

رد: :: جنوب حائل ::
 

الله يرحم ويغمد روحهم الجنه

ويرحم جميع اموات المسلمين


صح لسانك ولاهنت على طرحها

اعذب تحيه

ماجد بن محمد

رد: :: جنوب حائل ::
 

الله يرحم جميع موتى المسلمين
والله يصبر ذويهم ويلهمهم الصبر والسلوان

اخي صالح

صح لسانك ولا هنت

واقبل
ودي واحترامي

رد: :: جنوب حائل ::
 

[font=garamond][size=4][color=blue]صح لسانك يالغلا قصيدة جزلة وصدى للحدث عسى الله يرحمهم [/color][/size][/font]
[font=garamond][size=4][color=blue][/color][/size][/font]
[font=garamond][size=4][color=blue]ويجبر خواطر ذويهم ويلهمهم الصبر والسلوان 00[/color][/size][/font]
[font=garamond][size=4][color=blue][/color][/size][/font]
[font=garamond][size=4][color=blue] ==[/color][/size][/font]
[font=garamond][size=4][color=blue][/color][/size][/font]
[font=garamond][size=4][color=blue]ذي حالة الدنيا وذا طبع الأيام 00مافيه جمع الا تختمه ابفرقى[/color][/size][/font]
[font=garamond][size=4][color=blue]لولا الصبر مفروض في دين الإسلام00ذبنا على فراق المحبين حرقى[/color][/size][/font]
[font=garamond][size=4][color=blue]لكن هاذي سنة الله بالانام 00سيد البرية مابقا كيف نبقى[/color][/size][/font]

رد: :: جنوب حائل ::
 

صح لسانك مليوون يا بو سعود

و الحمدلله على السلامه

و عودا حميدا

ولاهنت يالشاعر

وصح لسانك مدد