طفلين عشنا سوى
 

[poem=font="simplified arabic,5,white,bold,normal" bkcolor="purple" bkimage="" border="double,4," type=0 line=0 align=center use=ex num="0,black"]
طفلين عشنا سوى بالحي تلقانا = نلعب ونلهو ولا ندري وش التالي
مثله مثل اخ ماهو ولـد جيرانا = يغار ، يرحم ، ويدفع شر الانذالي
أكبر ويكبر ، ويكبر شي بحدانا = شي أحسّه يريـح القلب يحلالي
هذا هو الحب مثل البدر سهرانا= يعطي أمل للمسافر وين ما مالي
اهلي واهله وكل الحي فرحانا= الحب عـذري شريف ماله امثالي
والكل يرقب متى هالحب يرعانا= ونكمّل الدين ، نبني بعض الامالي
ونا وخالد طموح العلم يحدانا= نسرع ،ونجهد نبي الترتيب بالعالي
كنا نروح البحر فالموج سلوانا= مع الأهل ما نبي هرجٍ(ن) لعذالي
منظر ،رأيته شعل بالقلب نيرانا= اطفال دون ام ، يا صعبه على حالي
معهم أجيره تصرّخ دون تحنانا= والاب مبعد لحـاله دالـه سالي
قلت امكم وين قالو عند مولانا = يومه دعاهـا وحنا دربنـا تالي
اخذتهم بالحضن والقلب حزنانا= انا امكم لا تخـافوا ، وانتم عيالي
قالوا خذينا معك فا اليتم اضنانا= قلت اصبروا لين اكلم طيب الفالي
مشيت للاب اعرفه ساكن حدانا= ابيه يـأذن ، ولكن بان محتالي
قاللي ابجمعك معهم كيف ماكانا= اتزوجـك ما ابي هـم واشكالي
رجعت والحزن والاحباط شتانا= ولقيت خالد يبي الاخبار بالحالي
شرحت له ما جرى في كل تبيانا= ولزّمت آخذ يتاما الام بلحالي
وكنه دخل خاطره بالحيل زعلانا= وروّح ، تركني ولا همه باحوالي
وكتب رسالة ، بها ظلم وعدوانا= "يا خاينه انكشف امرك على التالي"
يا حيسفا وين حبٍ كان يملانا= كيف انتهى باتهـام باطلٍ خالي[/poem]