منتديات الفطاحله - بعض العرب !!

[size=5][color=red]للشاعر القدير/ [/color][/size][size=5][color=red]عبدالله بن باتل الرشيدي[/color][/size][center][size=6][color=navy][u]البحر الميت[/u][/color][/size]
[poem=font="simplified arabic,6,black,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=1 align=center use=sp num="0,black""]
بـعض الـعرب ما ينعطي وجه بالحيل=ولـيا عـطيته وجـه صـار إلك علة
وبـعض الـعرب ماله سنع لكن حليل=بـالـضبط كـانـك لا تـمعنت ظـله
وبعض العرب شقرا و شقرا مع الخيل=مـا يـنفعك لـولا الـرموش الـمظله
و بـعض العرب لويعجبك ثرثرة ليل=و بـاكر تـرى مـا قـال لك شـي لـله
وبعض العرب مرسال مادري مريسيل=يـساير الـعالم و هـو حـاصل لـه
وبعض العرب يصلخ و ينفخ وهو ريل=و فـي زعـمه انـه يـفهم الكون كله
وبـعض العرب ما غير بندق ودربيل=و مـنين مـا هـب الـهوا جـايزٍ له
وبـعض العرب يطلع كما طلعة سهيل=و يـغيب نـجمه قـبل دربـه تـدله
وبـعض الـعرب يوذيك بالقال والقيل=تـجلس مـعه سـاعة والاخـرى تمله
نـذل و خـسيس يفصل الهرج تفصيل=و لـيـا لـقـا لــه طـيّب يـستغله
وبعض العرب منظر و كشخة وتحليل=شـبح بـحال و حـاله اخـرى كرله
لا شـفت زولـه مـن خيار الرجاجيل=ولـيـا عـرفته مـا تـجيه بـمحله
و بـعض العرب ماضيه ليل على ليل=كــد بـصـموه وصـوروه الادلـه
وبـعض الـعرب لا والله الا تـهاويل=مهما عـقدت الـحبل لازم يـحله
كــد دربـوه و لـكعوه الـرجاجيل=مـن قـبل لا يـصير الحدث جاهز له
وكـانك شجاع صحيح حارب اسرائيل=قـبـل الـيـهود الـقدس لا تـستحله
وكـلش يـهون الا الـثلاث الـغرابيل=الـمـهـزلة والـمـسكنه والـمـذله
[/poem]
[size=5][color=red]وسلامتكو[/color][/size][/center]

[size=5][color=red][/color][/size][center][size=5][color=red]:)[/color][/size][/center]